കുവൈറ്റ് പ്രധാനമന്ത്രിയായി ഷെയ്ഖ് സബാഹ്‌ അൽ ഖാലിദ് അൽ ഹമദ് അൽ സബാഹ്‌ ചുമതലയേറ്റു

Times of Kuwait

കുവൈറ്റ് സിറ്റി : കുവൈറ്റ് പ്രധാനമന്ത്രിയായി ഷെയ്ഖ് സബാഹ്‌ അൽ ഖാലിദ് അൽ ഹമദ് അൽ സബാഹ്‌ ചുമതലയേറ്റു . ഇന്ന് രാവിലെ
അമീർ ഷേഖ് നവാഫ് അൽ അഹ്മദ് അൽ ജാബർ അൽ സബാഹിന്റെ മുമ്പിലാണ് അദ്ദേഹം സത്യപ്രതിജ്ഞ ചെയ്ത് അധികാരമേറ്റത്. 15 അംഗ മന്ത്രിസഭയാണ് ഇന്ന് അധികാരമേറ്റത്.

ഡിസംബർ അഞ്ചിന് തെരഞ്ഞെടുപ്പിൽ
പുതിയ 50 അംഗ പാർലമെൻറ് നിലവിൽ വന്നിരുന്നു. കഴിഞ്ഞ ദിവസം
പ്രധാനമന്ത്രിയുടെ നേതൃത്വത്തിൽ
പുതിയ സർക്കാർ രൂപീകരിക്കുന്നതിന്റെ
ഭാഗമായി മന്ത്രിസഭാംഗങ്ങളെ
തെരഞ്ഞെടുക്കാൻ അമീർ അനുമതി നൽകി.

പ്രധാനമന്ത്രിയായി ഷെയ്ഖ് സാബാ അൽ ഖാലിദ് അൽ ഹമദ് അൽ സാബാഹിന്റെ രണ്ടാമൂഴം ആണിത് . കഴിഞ്ഞവർഷം നവംബർ 19ന് ഇദ്ദേഹം പ്രധാനമന്ത്രിയായി ചുമതല ഏറ്റിരുന്നു.കഴിഞ്ഞ മന്ത്രിസഭയിലെ പല മന്ത്രിമാരും ഇക്കുറിയുമുണ്ട്.