കുവൈറ്റ് ആരോഗ്യമന്ത്രി ഡോ. ബാസിൽ അൽ സബാഹിന് വീഴ്ചയിൽ പരിക്ക്

Times of Kuwait

കുവൈറ്റ് സിറ്റി : കുവൈറ്റ് ആരോഗ്യമന്ത്രി ഡോ. ബാസിൽ അൽ സബാഹിന് വീഴ്ചയിൽ പരിക്ക്.
ഏതാനും ദിവസങ്ങൾക്ക് മുമ്പ് ഉണ്ടായ അപകടത്തെത്തുടർന്ന് തോളിന്റെ മുകൾ ഭാഗത്ത് കടുത്ത വേദന അനുഭവപ്പെട്ട അദ്ദേഹം ഇന്നലെ അൽ-റാസി ആശുപത്രിയിൽ പരിശോധനയ്ക്ക് വിധേയനായപ്പോൾ ആണ് തോളെല്ലിന് മുകൾഭാഗത്ത് പൊട്ടൽ സ്ഥിരീകരിച്ചത്.

ഈ മാസം പതിനാലാം തീയതി ആണ് അദ്ദേഹം കുവൈത്ത് ആരോഗ്യ മന്ത്രി ആയി വീണ്ടും സത്യപ്രതിജ്ഞ ചെയ്തത്. എന്നാൽ സത്യപ്രതിജ്ഞയ്ക്ക് മുമ്പായി വീഴ്ച സംഭവിച്ചു എങ്കിലും അദ്ദേഹം പരിശോധനകളൊന്നും നടത്തിയിരുന്നില്ല.

പക്ഷേ പിന്നീട് വേദന മൂർച്ഛിക്കുകയും ഇന്നലെ അൽ-റാസി ആശുപത്രിയിൽ എക്സ്-റേ നടത്തുകയും ചെയ്തപ്പോഴാണ് പരിക്ക് സ്ഥിരീകരിച്ചത്. തോളിന്റെ മുകൾ ഭാഗത്ത് പരിക്ക് ഉള്ളതു മൂലം പ്ലാസ്റ്റർ കാസ്റ്റു ചെയ്യാൻ കഴിയില്ലയെന്നും അദ്ദേഹം
വിശ്രമത്തിലാണെന്നും പ്രാദേശിക പത്രം റിപ്പോർട്ട് ചെയ്തു.