കുവൈറ്റിൽ കോവിഡിന്റെ രണ്ടാം വരവിനെ തടയാൻ കഴിഞ്ഞെന്ന്​ റിപ്പോർട്ട്

Times of Kuwait

കുവൈത്ത്​ സിറ്റി: കുവൈറ്റിൽ കോവിഡിന്റെ രണ്ടാം വരവിനെ തടയാൻ കഴിഞ്ഞെന്ന്​ റിപ്പോർട്ട് .നവംബറിൽ കോവിഡി​െൻറ രണ്ടാം തരംഗമുണ്ടാവുമെന്ന്​ പ്രതീക്ഷിച്ചിരുന്നെങ്കിലും ഇൗ വെല്ലുവിളിയെ വിജയകരമായി മറികടക്കാൻ കുവൈത്തിന്​ കഴിഞ്ഞതായി വിലയിരുത്തൽ. യൂറോപ്യൻ രാജ്യങ്ങളിൽ രണ്ടാം തരംഗമുണ്ടായതായി റിപ്പോർട്ടുണ്ട്​. കുവൈത്തിനെ സംബന്ധിച്ച്​ നവംബർ നിർണായകമായിരിക്കുമെന്ന്​ നേരത്തെ ആരോഗ്യ മ​ന്ത്രാലയം
വ്യക്​തമാക്കിയിരുന്നു. എന്നാൽ, പുതിയ കേസുകളിലും മരണ നിരക്കിലും വലിയ വർധനയുണ്ടായില്ലെന്ന്​ മാത്രമല്ല കുറയുകയാണുണ്ടായത്​. തീവ്രപരിചരണ വിഭാഗത്തിലുള്ളവരുടെ എണ്ണവും കുറഞ്ഞു.

അതേസമയം, അന്തരീക്ഷ ഉൗഷ്​മാവ്​ ഇനിയും ഗണ്യമായി കുറഞ്ഞിട്ടില്ല. തണുപ്പേറുന്ന അടുത്ത മാസങ്ങളിൽ കോവിഡ്​ വ്യാപനം വർധിക്കാനുള്ള സാധ്യത അധികൃതർ തള്ളുന്നില്ല. ഫീൽഡ്​ ആശുപത്രികളിൽ ഇപ്പോൾ അധികം ആളെത്തുന്നില്ലെങ്കിലും പൂട്ടാതെയിടുന്നത്​ തണുപ്പുകാലത്തെ അവസ്ഥ മുന്നിൽകണ്ടാണ്​​.

കോവിഡ്​ പ്രതിരോധത്തി​െൻറ ഭാഗമായി ഏർപ്പെടുത്തിയ നിയന്ത്രണങ്ങൾ നീക്കുന്നതി​െൻറ അഞ്ചാംഘട്ടത്തിലേക്ക്​ കടക്കാതെ സർക്കാർ ജാഗ്രതയിലാണ്​. ജനങ്ങൾ ജാഗ്രത തുടരണമെന്നും ആരോഗ്യ മാർഗനിർദേശങ്ങൾ കർശനമായി പാലിക്കണമെന്നും ആരോഗ്യ മന്ത്രാലയം മുന്നറിയിപ്പ്​ നൽകുന്നു.