ജലദോഷം ബാധിച്ചാല്‍ കോവിഡ് പ്രതിരോധം ലഭിക്കുമെന്ന് പഠനം

Times of Kuwait

ന്യൂസ് ബ്യൂറോ, ലണ്ടൻ

ലണ്ടന്‍: ജലദോഷം ബാധിച്ചവര്‍ക്ക് കോവിഡ് പ്രതിരോധം ലഭിക്കുമെന്ന് പഠനം. ജലദോഷം ബാധിച്ചവരിലെ ഉയര്‍ന്ന ടി-ഷെല്ലുകള്‍ കോവിഡ്-19 നെ പ്രതിരോധിക്കുമെന്നാണ് ലണ്ടനിലെ ഇംപീരിയല്‍ കോളജ് ഗവേഷകര്‍കണ്ടെത്തിയത്.

2020 സെപ്റ്റംബര്‍ മുതലാണ് പഠനം തുടങ്ങിയത്. പഠനവിധേയമാക്കിയപ്പോള്‍ ജലദോഷം ബാധിച്ചവരില്‍ കോവിഡ് നിരക്ക് കുറവാണെന്നാണ് കണ്ടെത്തിയത്. അതേസമയം ടി-ഷെല്ലുകള്‍ എത്രകാലം കോവിഡില്‍ നിന്ന് സംരക്ഷണം നല്‍കുമെന്ന് പഠനത്തില്‍ പറയുന്നില്ല.
അതേസമയം, സൈപ്രസില്‍ കൊറോണ വൈറസി​ന്‍റെ ഡെല്‍റ്റ, ഒമിക്രോണ്‍ വകഭേദങ്ങള്‍ ചേര്‍ന്ന പുതിയ വകഭേദം കണ്ടെത്തി. ഡെല്‍റ്റക്രോണ്‍ എന്ന് പേരിട്ടിരിക്കുന്ന വകഭേദം 25 പേര്‍ക്ക് സ്ഥിരീകരിച്ചു. വകഭേദത്തി​ന്‍റെ തീവ്രതയും വ്യാപന​ശേഷിയും തിരിച്ചറിയാന്‍ കൂടുതല്‍ പരിശോധനകള്‍ ആവശ്യമാണെന്ന് സൈപ്രസ് സര്‍വകലാശാലയിലെ പ്രഫസര്‍ ലിയോണ്‍ഡിയോസ് കോസ്​ട്രിക്കസ് പറഞ്ഞു.
‘നിലവില്‍ ഇവിടെ ഡെല്‍റ്റയും ഒമി​ക്രോണും വ്യാപിക്കുന്നുണ്ട്. ഇവ രണ്ടും ചേര്‍ന്നതാണ് പുതിയ വകഭേദം. ​ഡെല്‍റ്റ ജീനോമിനുള്ളില്‍ ഒമിക്രോണി​ന്‍റെ ജനറ്റിക് സിഗ്നേച്ചറുകള്‍ ക​ണ്ടെത്തിയതിനാലാണ് ഡെല്‍റ്റക്രോണ്‍ എന്ന പേരു നല്‍കിയത്’ -അദ്ദേഹം പറയുന്നു. കൂടുതല്‍ പരിശോധനക്കായി സാമ്ബിളുകള്‍ ഗിനൈഡിലേക്ക് അയച്ചതായി അവര്‍ അറിയിച്ചു. അതേസമയം, ഡെല്‍റ്റക്രോണ്‍ ഇതുവരെ അന്താരാഷ്ട്ര ആരോഗ്യ സംഘടനകള്‍ അംഗീകരിക്കുകയോ സ്ഥിരീകരിക്കുകയോ ചെയ്തിട്ടില്ല.