ഇന്ത്യയിൽ 3.37 ലക്ഷം പുതിയ കോവിഡ് കേസുകള്‍; ഒമിക്രോണ്‍ ബാധിതരുടെ എണ്ണം 10,050

ന്യൂസ് ബ്യൂറോ, ദില്ലി

ദില്ലി: രാജ്യത്ത് 24 മണിക്കൂറിനിടെ 3,37,704 പുതിയ കോവിഡ് കേസുകള്‍ റിപ്പോര്‍ട്ട് ചെയ്തു. ഒമിക്രോണ്‍ ബാധിതരു​ടെ എണ്ണം 10,050 ആയി.

19,60,954 സാംപിളുകളാണ് പരിശോധിച്ചത്. വെള്ളിയാഴ്ച 3,47,254 കോവിഡ് കേസുകളായിരുന്നു സ്ഥിരീകരിച്ചത്.
488 പേരാണ് കഴിഞ്ഞ ദിവസം കോവിഡ് ബാധിച്ച്‌ മരിച്ചത്. ഇതോടെ മഹാമാരി ബാധിച്ച്‌ മരിച്ചവരുടെ എണ്ണം 4,88,884 ആയി. 21,13,365 പേരാണ് നിലവില്‍ രാജ്യത്ത് ചികിത്സയില്‍ കഴിയുന്നത്. 17.22 ശതമാനമാണ് പ്രതിദിന പോസിറ്റിവിറ്റി നിരക്ക്.
2,42,676 പേര്‍ കഴിഞ്ഞ ദിവസം രോഗമുക്തി നേടി. രോഗമുക്തി നിരക്ക് 93.31 ശതമാനമായി. ഇതുവരെ 3,63,01,482 പേര്‍ രാജ്യത്ത് കോവിഡ് മുക്തരായിട്ടുണ്ട്.
മഹാരാഷ്ട്ര (48,270), കര്‍ണാടക (48,049), കേരളം (41,668), തമിഴ്നാട് (29,870), ഗുജറാത്ത് (21,225) എന്നീ സംസ്ഥാനങ്ങളിലാണ് ഏറ്റവും കൂടുതല്‍ രോഗബാധ റിപ്പോര്‍ട്ട് ചെയ്തത്. ദേശീയ വാക്സിനേഷന്‍ യജ്ഞത്തിന്റെ ഭാഗമായി ഇതുവരെ 61.16 കോടി ഡോസ് വാക്സിന്‍ വിതരണം ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു.