ഉറക്കം: അറിയാം ചില കാര്യങ്ങൾ

ഉറക്കക്കുറവാണോ നിങ്ങളുടെ പ്രശ്നം???

ഉറക്കക്കുറവ് പലർക്കും ഒരു ആശങ്കയാണ്, പ്രത്യേകിച്ച് സ്ഥിരമായ ജോലിയും ജീവിത വെല്ലുവിളികളും നേരിടുന്നവർക്ക് ഉറക്കം തടസപ്പെടാം.

വളരെ കുറച്ച് ഉറക്കം ലഭിക്കുന്നത് നിങ്ങളുടെ ശരീരത്തിന്റെ പല സിസ്റ്റങ്ങളെയും പുനഃസ്ഥാപിക്കുന്ന പ്രവർത്തനങ്ങളെയും ബാധിക്കും. വിഷാദം, മാനസികസമ്മർദ്ദം, ആകുലത തുടങ്ങിയ പ്രശ്നങ്ങൾ വർദ്ധിക്കാൻ ഉറക്കക്കുറവ് കാരണമാകും.

ഉറക്കം പ്രധാനമായിരിക്കുന്നത് എന്തുകൊണ്ട്?

• വിശപ്പ്, വളർച്ച, രോഗശാന്തി എന്നിവ നിയന്ത്രിക്കുന്ന ഹോർമോണുകളുടെ പ്രകാശനം നിയന്ത്രിക്കാൻ സഹായിക്കുന്നു.

• പഠനത്തിനും ഓർമ്മ ശക്തിക്കും ഉറക്കം അത്യന്താപേക്ഷിതമാണ്.
• ഹൃദ്രോഗം, സ്ട്രോക്ക് എന്നിവയ്ക്കുള്ള നിങ്ങളുടെ സാധ്യത കുറയ്ക്കുന്നു

• പ്രമേഹം, ഉയർന്ന രക്തസമ്മർദ്ദം തുടങ്ങിയ വിട്ടുമാറാത്ത ആരോഗ്യ അവസ്ഥകൾക്കുള്ള നിങ്ങളുടെ അപകടസാധ്യത കുറയ്ക്കുന്നു.
• ശരീരഭാരം നിയന്ത്രിക്കാൻ സഹായിക്കുന്നു

ഉറക്കം… എപ്പോള്, എത്ര നേരം?

രാത്രി ഏറെ വൈകി ഉറങ്ങുന്നതും രാവിലെ വളരെ വൈകി കിടക്കയിൽ നിന്ന് എഴുന്നേൽക്കുന്നതും അത്ര നല്ല ശീലമല്ല. ഒരാളുടെ പ്രായത്തിനനുസരിച്ച് ഉറക്കത്തിന്റെ അളവ്‌ വ്യത്യസ്തമായിരിക്കും .

• ജനനം മുതൽ 3 മാസം വരെ: 14 മുതൽ 17 മണിക്കൂർ വരെ

• 4  മുതൽ 11 മാസം വരെ: 12 മുതൽ 16 മണിക്കൂർ വരെ

• 1 മുതൽ 2 വയസ്സ് വരെ: 11 മുതൽ 14 മണിക്കൂർ വരെ

• 3 മുതൽ 5 വയസ്സ്  വരെ: 10 മുതൽ 13 മണിക്കൂർ വരെ

• 6 മുതൽ 12 വയസ്സ്   വരെ: 9 മുതൽ 12 മണിക്കൂർ വരെ

• 13 മുതൽ 18 വയസ്സ് വരെ: 8 മുതൽ 10 മണിക്കൂർ വരെ

• 18 മുതൽ 64 വയസ്സ് വരെ: 7 മുതൽ 9 മണിക്കൂർ വരെ

• 65 വയസും അതിൽ കൂടുതലും: 7 മുതൽ 8 മണിക്കൂർ വരെ