കുവൈറ്റിൽ 5 വയസ്സ് മുതലുള്ള കുട്ടികൾക്ക്  കോവിഡ്‌ വാക്സിനേഷൻ ആരംഭിക്കുന്നു

ന്യൂസ് ബ്യൂറോ,കുവൈറ്റ്

കുവൈറ്റ് സിറ്റി: കുവൈറ്റിൽ 5 വയസ്സ് മുതലുള്ള കുട്ടികൾക്ക്  കോവിഡ്‌ വാക്സിനേഷൻ ആരംഭിക്കുന്നു.5 മുതൽ 11 വയസ്സുവരെയുള്ള കുട്ടികൾക്ക്  പ്രതിരോധ കുത്തിവെപ്പ് ആരോഗ്യ മന്ത്രാലയം ഈ ആഴ്ച മുതൽ ആരംഭിക്കും. കുവൈറ്റികളും പ്രവാസികളും ഉൾപ്പെടുന്ന ഈ വിഭാഗത്തിൽ 400,000 കുട്ടികളുണ്ട്. ലോകാരോഗ്യ സംഘടനയുടെ മാർഗ്ഗനിർദ്ദേശങ്ങൾ അനുസരിച്ച് 21 ദിവസത്തെ ഇടവേളകളിൽ ഡോസിന്റെ അംഗീകൃത അളവിൽ രണ്ട് ഡോസ് ഫൈസർ വാക്സിൻ ഉപയോഗിച്ച് അവർക്ക് വാക്സിനേഷൻ നൽകും.