കുവൈറ്റിലെ സർക്കാർ വകുപ്പുകളിൽ വിദേശ ജീവനക്കാരെ നിയമിക്കാൻ അനുവാദം നൽകില്ലെന്ന് സിവിൽ സർവീസ് കമ്മീഷൻ

കുവൈറ്റ് സിറ്റി: കുവൈറ്റിലെ സർക്കാർ വകുപ്പുകളിൽ വിദേശ ജീവനക്കാരെ നിയമിക്കാൻ അനുവാദം നൽകില്ലെന്ന് സിവിൽ സർവീസ് കമ്മീഷൻ.
പ്രവാസികളെ നിയമിക്കുന്നത് സംബന്ധിച്ചുള്ള അപേക്ഷകള്‍ തള്ളിക്കളയുമെന്ന് കുവൈറ്റ് സിവില്‍ സര്‍വീസ് കമ്മീഷന്‍ തീരുമാനമെടുത്തതായി പ്രാദേശിക ദിനപ്പത്രം റിപ്പോർട്ട് ചെയ്തു.

വിദേശ ജീവനക്കാരുടെ കരാറില്‍ മാറ്റം വരുത്തുന്നത് സംബന്ധിച്ച് കുവൈറ്റ് മുനിസിപ്പാലിറ്റി നൽകിയ അപേക്ഷയിൽ ആണ് സിവിൽ സർവീസ് കമ്മീഷൻ നിലപാട് വ്യക്തമാക്കിയത്.