കുവൈറ്റിൽ നിയന്ത്രണങ്ങളോടെ സ്കൂൾ തുറക്കാൻ അനുമതി

Times of Kuwait

കുവൈത്ത് സിറ്റി: കർശന നിയന്ത്രണങ്ങളോടെ കുവൈത്തിൽ സ്കൂളുകൾ തുറക്കുന്നു.2021-2022 അധ്യയന വർഷം ആരംഭിക്കുന്നതിനും ക്ലാസ്സുകളിൽ പരമാവധി 20 കുട്ടികൾ മാത്രം എന്ന കർശന നിബന്ധനകളോടെ സ്കൂളുകൾ തുറക്കുന്നതിനുള്ള ഒരുക്കത്തിലാണ് കുവൈത്ത് വിദ്യാഭ്യാസ മന്ത്രാലയം.

കുട്ടികളെ കോവിഡ് പ്രതിരോധ കുത്തിവെപ്പിന് വിധേയമാക്കുകയും, വാക്സിനേഷൻ എടുക്കാത്ത കുട്ടികൾക്കായി ആഴ്ചതോറും പി.സി.ആർ പരിശോധന നടത്തുന്നതിനും കോവിഡ് സുപ്രീം കൗൺസിൽ നിർദേശിച്ചു.
അതേസമയം സ്കൂളുകളുടെ പ്രവർത്തന സമയത്തിൽ മാറ്റം വരുത്തുകയും ഇടവേളകൾ വർധിപ്പിക്കുന്നതിനും സുപ്രീം കൗൺസിൽ നിർദേശം ക്യാബിനറ്റ് അംഗീകരിച്ചതായി വാർത്താ കുറിപ്പിൽ അറിയിച്ചു.