സാൽമിയയിൽ അനുമതിയില്ലാതെ പരിപാടി നടത്തിയ സംഘാടകരും ജീവനക്കാരും കസ്റ്റഡിയിൽ

സാൽമിയ അനുമതിയില്ലാതെ നടത്തിയ പരിപാടി നിർത്തി വെക്കാൻ കുവൈറ്റിൻ്റെ പ്രഥമ ഉപപ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സൗദ് അൽ സബാഹ് അധികാരികൾക്ക് നിർദ്ദേശം നൽകിയതായി പ്രാദേശിക പത്രം റിപ്പോർട്ട് ചെയ്തു. പരിപാടിയിൽ പങ്കെടുക്കുന്നവരെ ഒഴിപ്പിക്കാനും ബന്ധപ്പെട്ട എല്ലാ സംഘാടകരെയും സൈറ്റിലെ ജീവനക്കാരെയും തടഞ്ഞുവയ്ക്കാനും അദ്ദേഹം ഉത്തരവിട്ടു.

ക്രിമിനൽ സെക്യൂരിറ്റി സെക്ടർ, ജനറൽ ഡിപ്പാർട്ട്മെൻ്റ് ഓഫ് ക്രിമിനൽ ഇൻവെസ്റ്റിഗേഷൻസ് മുഖേന – പ്രത്യേകിച്ച് പബ്ലിക് മോറൽസ് പ്രൊട്ടക്ഷൻ ആൻഡ് ഹ്യൂമൻ ട്രാഫിക്കിംഗ് ഡിപ്പാർട്ട്മെന്റ് ഔദ്യോഗിക അനുമതിയില്ലാതെ തയ്യാറാക്കുന്ന ഇവൻ്റിനെക്കുറിച്ച് സന്ദേശം ലഭിച്ചതോടെയാണ് സംഭവത്തിൽ അന്വേഷണം ആരംഭിച്ചത്. പാർട്ടി ആരംഭിക്കുന്നതിന് മുമ്പ് തന്നെ സ്ഥലം ഡിറ്റക്ടീവ് ടീമിൻറെ നിരീക്ഷണത്തിലായിരുന്നു . അന്വേഷണത്തിൽ, ഡിജെ ഉപകരണങ്ങൾ, അലങ്കാരങ്ങൾ, ഉച്ചഭാഷിണികൾ എന്നിവ ഉപയോഗിച്ച് വേദി പൂർണ്ണമായും സജ്ജീകരിച്ചതായി ഉദ്യോഗസ്ഥർ കണ്ടെത്തി. ഇവൻ്റ് നിർത്തിവയ്ക്കാനും ബന്ധപ്പെട്ടവർക്കെതിരെ ആവശ്യമായ എല്ലാ നിയമ നടപടികളും സ്വീകരിക്കാനും ഉടനടി നിർദ്ദേശങ്ങൾ നൽകി. സംശയാസ്പദമായ അനധികൃത ഒത്തുചേരലുകൾ റിപ്പോർട്ടുചെയ്യാൻ ആഭ്യന്തര മന്ത്രാലയം പൊതുജനങ്ങളെ ഓർമ്മിപ്പിക്കുകയും പൊതു സുരക്ഷയും ക്രമവും നിലനിർത്തുന്നതിനുള്ള നിയന്ത്രണങ്ങൾ തുടർന്നും നടപ്പിലാക്കുമെന്നും മന്ത്രാലയം ഓർമ്മിപ്പിച്ചു .