കുവൈറ്റിൽ  സുരക്ഷാ പരിശോധനയിൽ  ഏഴ് വാഹനങ്ങൾ പിടിച്ചെടുത്തു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: കഴിഞ്ഞ ദിവസം സാദ് അൽ അബ്ദുല്ല പ്രാന്തപ്രദേശത്ത് അനധികൃത റേസിംഗ് പരിപാടികൾ സംഘടിപ്പിച്ചതിന് ഏഴ് പേരെ ജനറൽ ട്രാഫിക് ഡിപ്പാർട്ട്‌മെന്റിലെ സുരക്ഷാ ഉദ്യോഗസ്ഥർ അറസ്റ്റ് ചെയ്തതായി അൽ-അൻബ ദിനപത്രം റിപ്പോർട്ട് ചെയ്യുന്നു.

പൊതു സുരക്ഷാ കാര്യ ആഭ്യന്തര മന്ത്രാലയം അണ്ടർസെക്രട്ടറി മേജർ ജനറൽ അബ്ദുല്ല അൽ റജൈബ്, ആക്ടിംഗ് ഡയറക്ടർ ജനറൽ ബ്രിഗേഡിയർ ജനറൽ സാലിഹ് ഉഖ്‌ല അൽ-അസ്മി എന്നിവരുടെ മേൽനോട്ടത്തിലും മാർഗനിർദേശത്തിലുമാണ് ഈ ഓപ്പറേഷൻ നടന്നതെന്ന് സുരക്ഷാ വൃത്തങ്ങൾ ദിനപത്രത്തെ അറിയിച്ചു.

പരിശോധനയിൽ , ജനറൽ ട്രാഫിക് ഡിപ്പാർട്ട്‌മെന്റ് ഉദ്യോഗസ്ഥർ 16 ട്രാഫിക് ക്വട്ടേഷനുകൾ പുറപ്പെടുവിക്കുകയും ഏഴ് സ്‌പോർട്‌സ് കാറുകളും ഫോർ വീൽ ഡ്രൈവ് വാഹനങ്ങളും പിടിച്ചെടുത്ത്  ഗാരേജിലേക്ക് മാറ്റുകയും  ചെയ്തു.