ബി എൽ എസ് ഔട്ട്‌സോഴ്‌സിംഗ് സെൻ്ററുകളുടെ   റമദാൻ പ്രവൃത്തി സമയക്രമം പ്രഖ്യാപിച്ചു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കോൺസുലാർ അറ്റസ്റ്റേഷൻ, പാസ്‌പോർട്ട്, വിസ എന്നിവയ്‌ക്കായുള്ള ബിഎൽഎസ് ഔട്ട്‌സോഴ്‌സിംഗ് സെൻ്റർ, വിശുദ്ധ റമദാൻ മാസത്തിൽ പുതുക്കിയ പ്രവൃത്തി സമയത്തിൽ പ്രവർത്തിക്കുമെന്ന് ഇന്ത്യൻ എംബസി അറിയിച്ചു.

കുവൈറ്റ് സിറ്റി , ജിലീബ്, ഫഹാഹീൽ എന്നിവദിങ്ങളിലെ മൂന്ന് ബിഎൽഎസ് സെൻ്ററുകൾ,  റമദാൻ കാലയളവിൽ ശനി മുതൽ വ്യാഴം വരെ രാവിലെ 9:00 മുതൽ ഉച്ചകഴിഞ്ഞ് 3:00 വരെ പ്രവർത്തിക്കും.  വെള്ളിയാഴ്ചകളിൽ കേന്ദ്രങ്ങൾക്ക് അവധിയായിരിക്കും.

ഈ കേന്ദ്രങ്ങളിൽ സാക്ഷ്യപ്പെടുത്തുന്നതിനായി സമർപ്പിച്ച രേഖകൾ അപേക്ഷകർക്ക് അടുത്ത പ്രവൃത്തി ദിവസം ഉച്ചകഴിഞ്ഞ് 3:00 മുതൽ 4:00 വരെ അതത് കേന്ദ്രങ്ങളിൽ എത്തിക്കുമെന്ന് അറിയിപ്പ് കൂട്ടിച്ചേർത്തു.

ഏത് അടിയന്തര കോൺസുലാർ സേവനങ്ങൾക്കും, എംബസിയുടെ 24X7 വാട്ട്‌സ്ആപ്പ് ഹെൽപ്പ് ലൈൻ നമ്പറുകളിൽ ആർക്കും ബന്ധപ്പെടാം.