ജമിയ്യകളിൽ പ്രവാസികൾക്ക് പ്രവേശന വിലക്കില്ല

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: ജമിയ്യകളിൽ പ്രവാസികൾക്ക് പ്രവേശന വിലക്കില്ലന്ന് അധികൃതരെ ഉദ്ധരിച്ച് പ്രദേശിക ദിനപത്രം റിപ്പോർട്ട് ചെയ്തു.
വിശുദ്ധ റമദാൻ മാസത്തിൽ  പ്രവാസികളുടെ ആവശ്യങ്ങൾ വാങ്ങുന്നതിൽ നിന്ന് ചില സഹകരണ സംഘങ്ങൾ തടയുന്നതായി സോഷ്യൽ മീഡിയയിൽ വാർത്തകൾ പ്രചരിക്കുന്നുണ്ട്.  പ്രസിദ്ധീകരിച്ച വാർത്തകളോട് പ്രതികരിച്ചുകൊണ്ട്, പ്രവാസികളെ ഏതെങ്കിലും സഹകരണ സംഘത്തിൽ പ്രവേശിക്കുന്നത് തടയുന്നതും പൗരന്മാർക്ക് മാത്രം ഷോപ്പിംഗ് പരിമിതപ്പെടുത്തുന്നതും നിയമവിരുദ്ധമാണെന്ന് ഉപഭോക്തൃ സംരക്ഷണ അസോസിയേഷൻ മേധാവി മിഷാൽ അൽ-മാനിയ പറഞ്ഞു.

പൗരന്മാരോ പ്രവാസികളോ ആയാലും ഉപഭോക്താക്കൾക്ക് സാധനങ്ങൾ വിൽക്കാൻ കോപ്പുകൾ വിസമ്മതിച്ചതിന് ഒരു ന്യായീകരണവുമില്ലെന്ന് അൽ-മാനിയ വിശദീകരിച്ചു. വാണിജ്യ, വിപണി നിയമ മന്ത്രാലയത്തിൽ നിന്ന് വാണിജ്യ ലൈസൻസ് ഉള്ള സ്ഥാപനങ്ങളാണ് സഹകരണ സംഘങ്ങളെന്ന് അദ്ദേഹം സൂചിപ്പിച്ചു.

      ഇത്തരം തെറ്റായ തീരുമാനങ്ങൾ തടയാൻ ഇടപെടേണ്ടതിന്റെ ആവശ്യകത ഞങ്ങൾ വാണിജ്യ മന്ത്രാലയത്തെയും ബന്ധപ്പെട്ട അധികാരികളെയും അറിയിച്ചുവെന്നും അദ്ദേഹം കൂട്ടിച്ചേർത്തു. ഈ സാഹചര്യത്തിൽ, കുവൈറ്റ് ഇതര ഉപഭോക്താക്കൾക്കുള്ള വിൽപ്പന തടയുന്നതിനെക്കുറിച്ച് സോഷ്യൽ മീഡിയയിൽ പ്രചരിക്കുന്ന കാര്യങ്ങൾ നാഷണൽ ഗാർഡ് കോ-ഓപ്പറേറ്റീവ് സൊസൈറ്റിയുടെ ഔദ്യോഗിക വൃത്തങ്ങൾ  നിഷേധിച്ചു.