കുവൈറ്റിൽ സ്വകാര്യ ഡ്രോണുകൾക്കുള അനുമതി ഡിജിസിഎ താൽക്കാലികമായി നിർത്തിവച്ചു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റിൽ ആളില്ലാ വിമാനം (ഡ്രോണുകൾ), വിമാനങ്ങളുടെ ചലനത്തിന് അപകടമുണ്ടാക്കുന്നതിനാൽ വ്യക്തികൾക്കും സ്വകാര്യ സ്ഥാപനങ്ങൾക്കും ഉപയോഗിക്കുന്നതിനുള്ള അനുമതി നൽകുന്നത് ഡയറക്ടറേറ്റ്-ജനറൽ ഓഫ് സിവിൽ ഏവിയേഷൻ നിർത്തിവച്ചു.

വ്യോമ സുരക്ഷ സംബന്ധിച്ച് മുൻകരുതൽ നടപടികൾ സ്വീകരിക്കാൻ വിമാനത്താവളത്തിൽ പ്രവർത്തിക്കുന്ന എല്ലാ മേഖലകൾക്കും നിർദ്ദേശം നൽകിയിട്ടുണ്ടെന്ന് ഔദ്യോഗിക വൃത്തങ്ങൾ ഒരു പ്രാദേശിക അറബിക് ദിനപത്രത്തോട് പറഞ്ഞു.

ഡിജിസിഎ നിർദ്ദേശങ്ങൾ അനുസരിച്ച് ഇനിയൊരു അറിയിപ്പ് ഉണ്ടാകുന്നത് വരെ പെർമിറ്റുകൾ നൽകുന്നത് സർക്കാർ ഏജൻസികൾക്ക് മാത്രമായി പരിമിതപ്പെടുത്തണം.

വ്യോമഗതാഗതത്തിന്റെ സുരക്ഷ കണക്കിലെടുത്ത് ഡ്രോണുകളുടെ ഉപയോഗത്തിലെ കുഴപ്പങ്ങൾ തടയുന്നതിന് നിലവിൽ പുതിയ നടപടിക്രമങ്ങൾ ഏർപ്പെടുത്തിയിട്ടുണ്ടെന്നും ഉറവിടം കൂട്ടിച്ചേർത്തു.

ആവശ്യമായ ലൈസൻസുകളും അനുമതികളും നേടാതെ ഏതെങ്കിലും ഡ്രോണുകളോ സമാന വിമാനങ്ങളോ പ്രവർത്തിപ്പിക്കുന്നവർ നിയമപരമായ ഉത്തരവാദിത്തത്തിന് വിധേയരാകുമെന്ന് അധികൃതർ പറഞ്ഞു.