പുതിയ അധ്യായന വർഷം കുവൈറ്റിലെ സ്കൂളുകൾ പൂർണതോതിൽ പ്രവർത്തനം പുനരാരംഭിക്കും

ന്യൂസ് ബ്യൂറോ , കുവൈറ്റ്

കുവൈറ്റ് സിറ്റി : പുതിയ അധ്യായന വർഷം കുവൈറ്റിലെ സ്കൂളുകൾ പൂർണതോതിൽ പ്രവർത്തനം പുനരാരംഭിക്കും. നേരത്തെ കോവിഡിന് ശേഷം നടപ്പിലാക്കിയ രണ്ട് ഗ്രൂപ്പുകൾ എന്ന സമ്പ്രദായം മാറ്റി സ്കൂളുകൾ പൂർണതോതിൽ പ്രവർത്തിക്കുമെന്ന് വിദ്യാഭ്യാസ മന്ത്രിയും ഉന്നത വിദ്യാഭ്യാസ, ശാസ്ത്ര ഗവേഷണ മന്ത്രിയുമായ അലി അൽ-മുദാഫിനെ ഉദ്ധരിച്ച് പ്രാദേശിക ദിനപത്രം റിപ്പോർട്ട് ചെയ്തു.

ഈ തീരുമാനം നടപ്പിലാക്കുന്നതിനും അതനുസരിച്ച് പ്രവർത്തിക്കുന്നതിനും ആവശ്യമായ തീരുമാനങ്ങളോ ബുള്ളറ്റിനുകളോ പുറപ്പെടുവിക്കുന്നതിന് മന്ത്രാലയം അണ്ടർസെക്രട്ടറിക്ക് ഉത്തരവാദിത്തമുണ്ടെന്ന് അദ്ദേഹം ചൂണ്ടിക്കാട്ടിയതായി റിപ്പോർട്ട് കൂട്ടിച്ചേർത്തു.