നൈഫ് പാലസ് ഇനി ഇസ്ലാമിക് ഹെറിറ്റേജ് കേന്ദ്രം

കുവൈറ്റ് സിറ്റി : പൈതൃക സമിതിയുടെ ഇസ്‌ലാമിക് വേൾഡ് 10-ാമത് സെഷനിൽ കുവൈറ്റിലെ നൈഫ് പാലസ് ഇസ്‌ലാമിക പൈതൃക കേന്ദ്രമാക്കി മാറ്റാൻ ISESCO തീരുമാനിച്ചു.

ISESCO-യുടെ പൈതൃക പട്ടികയിൽ നൈഫ് പാലസിനെ ഉൾകൊള്ളിക്കുന്നത് ചരിത്രപരമായി വളരെ പ്രാധാന്യമർഹിക്കുന്നതാണെന്ന് കുവൈറ്റ് നാഷണൽ കൗൺസിൽ ഫോർ കൾച്ചർ, ആർട്‌സ് ആൻഡ് ലെറ്റേഴ്‌സ് (NCCAL) സെക്രട്ടറി ജനറലിന്റെ ഉപദേശകനായ ഡോ. വാലിദ് അൽ-സെയ്ഫ് പറഞ്ഞു. നൈഫ് പാലസിന്റെ ചരിത്രപരവും രാഷ്ട്രീയവും, സാംസ്കാരികവുമായ പ്രസക്തിയും അതിന്റെ വാസ്തുവിദ്യാ നിർമ്മിതിയും കൊണ്ട് ISESCO യുടെ പൈതൃക പട്ടികയിൽ ഇടംനേടിയതായി അദ്ദേഹം കൂട്ടി ചേർത്തു .

നൈഫ് പാലസ് 28,882 ചതുരശ്ര മീറ്റർ വിസ്തീർണ്ണം ഉൾക്കൊള്ളുന്നു, അതിൽ 214 മുറികൾ ആയുധങ്ങളും പീരങ്കികളും സൂക്ഷിക്കാൻ ഉപയോഗിച്ചിരുന്നു, മറ്റ് മുറികൾ കാവൽക്കാർക്കും സൈനികർക്കും ആതിഥ്യമരുളാൻ ഉപയോഗിച്ചിരുന്നു, കാരണം കൊട്ടാരം നഗര മതിലുകൾക്കും പ്രധാന ഗേറ്റിനും സമീപം സ്ഥിതിചെയ്യുന്നു. കെട്ടിടത്തിന്റെ ആന്തരിക രൂപകൽപ്പനയ്ക്ക് ചുറ്റുമുള്ള ഇസ്ലാമിക് ശൈലിയിലുള്ള കമാനങ്ങൾക്ക് പുറമേ വിശാലമായ തുറന്ന നടുമുറ്റങ്ങളും കൈകൊണ്ട് നിർമ്മിച്ച വലിയ തടി വാതിലുകളും ഒക്കെയുള്ള കുവൈറ്റിന്റെ 20 – ആം നൂറ്റാണ്ടിന്റെ ആദ്യ പാദത്തിലെ പുരാവസ്തുക്കളുടെ അത്ഭുതമാണിത്.