കുവൈറ്റിലെ എല്ലാ ഗവർണറേറ്റുകളിലും മുനിസിപ്പാലിറ്റി ശുചീകരണ ക്യാമ്പയിൻ സംഘടിപ്പിക്കുന്നു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റ് മുനിസിപ്പാലിറ്റിയിലെ പബ്ലിക് റിലേഷൻസ് ഡിപ്പാർട്ട്‌മെന്റ് എല്ലാ ഗവർണറേറ്റുകളിലും ക്ലീനിംഗ് ഡിപ്പാർട്ട്‌മെന്റുകളിലെ ഫീൽഡ് ടീമുകൾ നടത്തുന്ന ശുചീകരണ കാമ്പയിന് ആരംഭിച്ചതായി അറിയിച്ചു. ഈ കാമ്പെയ്‌നുകൾ ജനുവരി മാസം മുഴുവൻ തുടരുമെന്ന് അൽ-സെയാസ്സ ദിനപത്രം റിപ്പോർട്ട് ചെയ്യുന്നു.

ഹവല്ലി ഗവർണറേറ്റ് മുനിസിപ്പാലിറ്റി ബ്രാഞ്ചിലെ പൊതു ശുചിത്വ, റോഡ് പ്രവൃത്തി വകുപ്പ് ഞായറാഴ്ച ഒരു പരിശോധന കാമ്പയിൻ നടത്തിയതായി   മുനിസിപ്പാലിറ്റി അറിയിച്ചു .

ഗവർണറേറ്റ് മുനിസിപ്പാലിറ്റി ബ്രാഞ്ചിന് കീഴിലുള്ള പ്രദേശങ്ങളിലെ എല്ലാ പൊതു ശുചീകരണ സേവനങ്ങളും വിലയിരുത്തുന്നതിന് ലക്ഷ്യമിട്ടായിരുന്നു കാമ്പയിൻ. പൊതു ശുചിത്വത്തെക്കുറിച്ചുള്ള നിരീക്ഷണം, മേൽനോട്ടം, തുടർനടപടികൾ, കരാറുകാരുടെയും ക്ലീനിംഗ് കമ്പനികളുടെയും ജോലിയുടെ മേൽനോട്ടം, തെരുവ് കച്ചവടക്കാരെ നിരീക്ഷിക്കൽ എന്നിവയുമായി ബന്ധപ്പെട്ട ജോലികൾ ഇതിൽ ഉൾപ്പെടുന്നു.

ശുചിത്വ നിലവാരം ഉയർത്തുക, റോഡുകളിൽ തടസ്സം സൃഷ്ടിക്കുന്നതോ  ആയ പ്രശ്നങ്ങൾ പരിഹരിക്കുക, ഉപേക്ഷിക്കപ്പെട്ട കാറുകൾ, ബോട്ടുകൾ, പൊതു സ്ക്വയറുകൾ, തെരുവുകളിൽ നിന്ന് അവശിഷ്ടങ്ങൾ എന്നിവ നീക്കം ചെയ്യുക എന്നതാണ് ലക്ഷ്യം.