ഗാസയിലെ ആശുപത്രി ആക്രമണത്തെ അപലപിച്ച്   ആരോഗ്യ മന്ത്രാലയം  ഇന്ന്ഐക്യദാർഢ്യ ദിനം ആചരിക്കും

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  ഗാസയിലെ ആശുപത്രി ആക്രമണത്തെ അപലപിച്ച്  ഇന്ന് ആശുപത്രികളിൽ ഐക്യദാർഢ്യ ദിനം ആചരിക്കും. 500 ഓളം പേരുടെ മരണത്തിനിടയാക്കിയ ഗാസയിലെ ആശുപത്രി ആക്രമണത്തെ അപലപിച്ച് ആരോഗ്യ മന്ത്രാലയം ഇന്ന്  എല്ലാ ആശുപത്രികളിലും ആരോഗ്യ കേന്ദ്രങ്ങളിലും ഐക്യദാർഢ്യ സമരം ആചരിക്കും.

സംഭവത്തെ അപലപിച്ച് ഐക്യദാർഢ്യ സമരം സംഘടിപ്പിക്കാൻ ആരോഗ്യമന്ത്രി ഡോ. അഹമ്മദ് അൽ-അവാദി എല്ലാ ആശുപത്രികൾക്കും പ്രത്യേക കേന്ദ്രങ്ങൾക്കും പ്രാഥമികാരോഗ്യ കേന്ദ്രങ്ങൾക്കും നിർദ്ദേശം നൽകിയതായി പ്രാദേശിക ദിനപത്രം റിപ്പോർട്ട് ചെയ്തു.

ആശുപത്രികൾ, പ്രത്യേക കേന്ദ്രങ്ങൾ, പ്രാഥമിക ആരോഗ്യ  കേന്ദ്രങ്ങൾ എന്നിവിടങ്ങളിലെ എല്ലാ ഡോക്ടർമാർക്കും നഴ്സുമാർക്കും സാങ്കേതിക വിദഗ്ധർക്കും എല്ലാ അഡ്മിനിസ്ട്രേറ്റീവ് സ്റ്റാഫുകൾക്കും 15 മിനിറ്റ് ഐക്യദാർഢ്യ സമരം ആചരിക്കും .   ഇത് കേന്ദ്രങ്ങളുടെ സാധാരണ പ്രവർത്തനത്തെ ബാധിക്കാതിരിക്കാനും രോഗികൾക്ക് ബുദ്ധിമുട്ട് ഉണ്ടാക്കാതിരിക്കാനും അതത് വകുപ്പ് മേധാവികൾക്ക് നിർദേശം നൽകി.