കുവൈറ്റിൽ വിവിധയിനം മയക്കുമരുന്നുകളുമായി 21 പേർ അറസ്റ്റിൽ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി :  ജനറൽ ഡിപ്പാർട്ട്‌മെന്റ് ഫോർ ഡ്രഗ് കൺട്രോൾ, ജനറൽ ഡിപ്പാർട്ട്‌മെന്റ് ഓഫ് ക്രിമിനൽ ഇൻവെസ്റ്റിഗേഷൻ എന്നിവയെ പ്രതിനിധീകരിച്ച് ക്രിമിനൽ സെക്യൂരിറ്റി സെക്ടറിലെ ഉദ്യോഗസ്ഥർ 14 വ്യത്യസ്ത സംഭവങ്ങളിലായി വിവിധ രാജ്യക്കാരായ 21 പേരെ അറസ്റ്റ് ചെയ്യുകയും അവരിൽ നിന്ന് 7 കിലോ വ്യത്യസ്ത തരം മയക്കുമരുന്നുകളും 790 സൈക്കോട്രോപിക് ഗുളികകളും പിടിച്ചെടുത്തു.

പിടികൂടിയ വസ്തുക്കൾ  തങ്ങളുടേതാണെന്ന് പ്രതികൾ സമ്മതിച്ചതായി സുരക്ഷാ മാധ്യമ വിഭാഗം അറിയിച്ചു. അവർക്കെതിരെ നിയമനടപടികൾ സ്വീകരിക്കാൻ  അധികാരികൾക്ക് റഫർ ചെയ്തതായി അൽ-റായി ദിനപത്രം റിപ്പോർട്ട് ചെയ്യുന്നു.