ലുലു ഹൈപ്പർമാർക്കറ്റ് “ഡിസ്കവർ അമേരിക്ക ” പ്രമോഷൻ തുടക്കമായി

കുവൈറ്റ് സിറ്റി : മേഖലയിലെ പ്രമുഖ റീട്ടെയിലറായ ലുലു ഹൈപ്പർമാർക്കറ്റിന്റെ ഖുറൈൻ ഔട്ലെറ്റിൽ നടന്ന “ഡിസ്കവർ അമേരിക്ക” പ്രമോഷൻ കുവൈറ്റിലെ ലുലു മാനേജ്മെന്റിന്റെയും മറ്റ് അഭ്യുദയകാംക്ഷികളുടെയും സാന്നിധ്യത്തിൽ കുവൈറ്റിലെ അമേരിക്കൻ എംബസി ചാർജ് ഡി അഫ്ഫയെർസ് ജെയിംസ് ഹോൾഡ്സിന്ടെർ ഉദ്ഘാടനം നിർവഹിച്ചു .

കുവൈറ്റിലെ ഹൈപ്പർമാർക്കറ്റിന്റെ എല്ലാ ശാഖകളിലും നവംബർ 15 വരെ നീണ്ടു നിൽക്കുന്ന പ്രൊമോഷനിൽ ലോകോത്തര ഗുണനിലവാരമുള്ള അമേരിക്കൻ ഭക്ഷ്യ ഉൽപന്നങ്ങൾ പ്രത്യേക ഓഫറിൽ ലഭ്യമാണ്.

“ഡിസ്കവർ അമേരിക്ക ” പ്രൊമോഷനോടനുബന്ധിച്ച് വ്യത്യസ്തമായ ഷോപ്പിങ് അനുഭവമാണ് ഉപഭോക്താക്കൾക്കായി എല്ലാ ലുലു ഔട്ട്‌ലെറ്റുകളിലും ഒരുക്കിയിരിക്കുന്നതെന്ന് മാനേജ്‌മന്റ് പ്രതിനിധികൾ അറിയിച്ചു.