കുവൈറ്റ് – യുഎഇ അധികൃതരുടെ സംയുക്ത ഓപ്പറേഷനിൽ  37. 5 ലക്ഷം ലിറിക്ക ഗുളികകൾ പിടിച്ചെടുത്തു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റ്- എമിറാത്തി ആഭ്യന്തര മന്ത്രാലയങ്ങളുടെ സഹകരണത്തോടെ ലിറിക്കയുടെ 3,750,000 ഗുളികകൾ കൈവശം വച്ചതിന് മൂന്ന് പേർ പിടിയിൽ.

മയക്കുമരുന്ന് കടത്തിനെതിരായ പോരാട്ടത്തിലും സമൂഹത്തെ സംരക്ഷിക്കുന്നതിലും തങ്ങളുടെ ദൃഢമായ സമർപ്പണം തുടരുന്ന ആഭ്യന്തര മന്ത്രാലയം, കസ്റ്റംസ് ജനറൽ അഡ്മിനിസ്ട്രേഷനുമായും യുണൈറ്റഡ് അറബ് എമിറേറ്റ്സിലെ മന്ത്രാലയ അധികൃതരുടെ    ഏകോപനത്തോടെ മയക്കുമരുന്ന് വ്യാപാരികളെയും കള്ളക്കടത്തുകാരെയും പിടികൂടി.

ക്രിമിനൽ സെക്യൂരിറ്റി സെക്‌ടറിൻ്റെ ജനറൽ അഡ്മിനിസ്‌ട്രേഷൻ ഫോർ കോംബാറ്റിംഗ് ഡ്രഗ്‌സിൻ്റെ പരിധിയിൽ, ഏകദേശം 1,000,000 ലിറിക്ക ഗുളികകൾ കടത്താൻ ശ്രമിച്ച രണ്ട് വ്യക്തികൾ കുവൈറ്റ് അന്താരാഷ്ട്ര വിമാനത്താവളത്തിൽ പിടിയിലായി. തുടർന്ന്, പ്രതികളുടെ ഉടമസ്ഥാവകാശവും കടത്താനുള്ള ഉദ്ദേശ്യവും തിരിച്ചറിഞ്ഞ് , എമിറാത്തി അധികൃതരുമായി സഹകരണം തുടർന്നു. 2,750,000 ലിറിക്ക നാർക്കോട്ടിക് ഗുളികകൾ കൈവശം വച്ചിരുന്ന മൂന്നാമതൊരാൾ യുഎഇയിൽ പിടിയിലായി.