കുവൈറ്റ് : പ്രവാസി ഡ്രൈവിംഗ് ലൈസൻസിൻ്റെ കാലാവധി 3 വർഷമായി നീട്ടി

പ്രവാസികളുടെ ഡ്രൈവിംഗ് ലൈസൻസ് കാലാവധി ഒരു വർഷത്തിൽ നിന്ന് മൂന്ന് വർഷമാക്കി ഉയർത്തിയാതായി കുവൈറ്റ് ട്രാഫിക് വകുപ്പ് പ്രഖ്യാപിച്ചു. ഒരു ലൈസൻസ് നേടുന്നതിനോ പുതുക്കുന്നതിനോ ഉള്ള നിയമ വ്യവസ്ഥകൾക്കനുസൃതമായി, പുതിയ അപേക്ഷകൾക്കും പുതുക്കലുകൾക്കും ഈ മാറ്റം ബാധകമാണ്. കുവൈറ്റിൽ താമസിക്കുന്ന പ്രവാസികൾക്കുള്ള ലൈസൻസ് നടപടികൾ കാര്യക്ഷമമാക്കുന്നതിൻറെ ഭാഗമായാണ് പുതിയ പ്രഖ്യപനം .”മൈ കുവൈറ്റ് ഐഡൻ്റിറ്റി” എന്ന മൊബൈൽ ആപ്ലിക്കേഷനിൽ ഡിജിറ്റൽ ആയാണ് ലൈസെൻസ് ലഭ്യമാവുക.