പ്രവാസികൾക്ക്  ജീവിത ചെലവ് കുറഞ്ഞ രാജ്യങ്ങളിൽ  ഗൾഫിൽ ഒന്നാമതായി കുവൈറ്റ് സിറ്റി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: പ്രവാസി ജീവിതച്ചെലവ് സംബന്ധിച്ച 2023 ലെ “മെർസർ” സൂചിക പ്രകാരം ഗൾഫിൽ ഒന്നാമതായി കുവൈറ്റ് സിറ്റി. പട്ടികയിലെ 227 അന്താരാഷ്ട്ര നഗരങ്ങളിൽ നിന്ന്
കുവൈറ്റ് സിറ്റി ലോകത്തിലെ ഏറ്റവും അനുയോജ്യമായ  131-ാമത്തെ നഗരമായും ഗൾഫ് മേഖലയിലെ  എട്ടാം സ്ഥാനത്തുള്ള നഗരമായും എത്തി .

      ഭക്ഷണം, പാർപ്പിടം,  വീട്ടുപകരണങ്ങൾ, വസ്ത്രങ്ങൾ, പാദരക്ഷകൾ, ഗതാഗതം, ആരോഗ്യ സംരക്ഷണം, ഒഴിവുസമയ പ്രവർത്തനങ്ങൾ തുടങ്ങി 200-ലധികം സാധനങ്ങളും സേവനങ്ങളും കണക്കിലെടുത്ത് ലോകമെമ്പാടുമുള്ള വിവിധ നഗരങ്ങളിലെ പ്രവാസികളുടെ ജീവിതച്ചെലവ് “മെർസർ” സൂചിക കണക്കാക്കുന്നതെന്ന്  പ്രദേശിക ദിനപത്രം റിപ്പോർട്ട് ചെയ്യുന്നു. വിനിമയ നിരക്കിലെ ഏറ്റക്കുറച്ചിലുകൾ, ജീവിതച്ചെലവ്,  പണപ്പെരുപ്പം, വിലയിലെ അസ്ഥിരത എന്നിവയുൾപ്പെടെ വിദേശ ജീവനക്കാർക്കുള്ള തൊഴിൽ ഓഫറുകളുടെ വിലയെ സ്വാധീനിക്കുന്ന പ്രധാന ഘടകങ്ങളും സൂചിക കണക്കിലെടുക്കുന്നു.

ഗൾഫ് മേഖലയിൽ ദുബായ്, അബുദാബി, റിയാദ്, മനാമ, ജിദ്ദ എന്നിവ ഈ വർഷം പ്രവാസികൾക്ക് ഏറ്റവും ചെലവേറിയ നഗരങ്ങളുടെ റാങ്കിംഗിൽ ഉയർന്നു. ഗൾഫ് നഗരങ്ങളിൽ ഒന്നാം സ്ഥാനം ദുബായ് നഗരത്തിനാണ് , ആഗോളതലത്തിൽ 18-ാം സ്ഥാനവും ആണ് .  അബുദാബിയും ഗണ്യമായ പുരോഗതി കൈവരിച്ചു, 2022-ലെ 61-ാം സ്ഥാനത്തേക്കാൾ 18 സ്ഥാനങ്ങൾ മുന്നേറി 43-ാം സ്ഥാനത്തെത്തി, ഗൾഫിൽ രണ്ടാം സ്ഥാനത്ത് എത്തി .

റിയാദ് മുൻവർഷത്തെ  103-ൽ നിന്ന് ആഗോളതലത്തിൽ 85-ാം സ്ഥാനത്തേക്കും  18 റാങ്കുകൾ ഉയർന്ന് ഗൾഫിൽ മൂന്നാം സ്ഥാനത്തെത്തി. അതേസമയം, 2022-ൽ 117-ാം സ്ഥാനത്തായിരുന്ന മനാമ 19 സ്ഥാനങ്ങൾ മെച്ചപ്പെടുത്തി ഈ വർഷം 98-ാം സ്ഥാനത്തേക്ക് ഉയർന്ന് ഗൾഫിൽ നാലാം സ്ഥാനത്തെത്തി.

ആഗോള തലത്തിൽ, പ്രവാസി തൊഴിലാളികൾക്ക് ലോകത്തിലെ ഏറ്റവും ചെലവേറിയ നഗരങ്ങളായി ഹോങ്കോംഗ്, സിംഗപ്പൂർ, സൂറിച്ച് എന്നിവ ആധിപത്യം പുലർത്തുന്നു, ജനീവ നാലാം സ്ഥാനത്തും ബേസൽ അഞ്ചാം സ്ഥാനത്തുമാണ്. ന്യൂയോർക്കും ബേണും യഥാക്രമം ആറും ഏഴും സ്ഥാനങ്ങൾ അവകാശപ്പെടുന്നു.