കുവൈറ്റ് സിറ്റി:ലോകം പകച്ചുപോയ കോവിഡ് കാലഘട്ടത്തിൽ കുവൈറ്റിന്റെ പ്രവാസ ഭൂമിയിൽ സാന്ത്വനത്തിന്റെ മാലാഖമാരായി ആതുര സേവനത്തിന്റെ ചരിത്ര വാഹകരായി മാറിയ നഴ്സുമാരെ ലോക നഴ്സസ് ദിനത്തിൽ ആദരിച്ച് കണ്ണൂർ എക്സ്പാറ്റ്സ് അസോസിയേഷൻ കുവൈറ്റ് .
കുവൈറ്റിലെ വിവിധ ആതുരാലയങ്ങളിൽ സേവനം ചെയ്യുന്ന എണ്ണൂറോളം നഴ്സുമാരിൽ നിന്ന് തിരഞ്ഞെടുക്കപ്പെട്ട അൻപതു പേരെയാണ് ‘കെ ഇ എ ‘ ആദരിച്ചത്. വർണ്ണാരവങ്ങളായ ചടങ്ങിൽ പ്രസിഡന്റ് ഷെറിൻ മാത്യു അധ്യക്ഷത വഹിച്ചു .ഡോക്ടർ അമീർ അഹമ്മദ് ഇന്ത്യൻ ഡോക്ടർസ് ഫോറം പ്രെസിഡന്റ് മുഖ്യ അതിഥിയായി. ഡോക്ടർ സുസോവന്ന സുജിത് നായർ മെഡിക്കൽ ഓൺകോളജിസ്റ്റ്( കെ സി സി )കോവിഡ് കാലത്തെ നേഴ്സ് മാരുടെ വിലമതിക്കാനാവാത്ത പ്രവർത്തനങ്ങളെ അഭിനന്ദിച്ചു .
തുടർന്ന് നഴ്സുമാർക്ക് ‘കെ .ഇ.എ യുടെ ഉപഹാരാമായ ഫലകവും ആദരവും മുഖ്യ അതിഥി വിതരണം ചെയ്തു. ഡികെ ഡാൻസ് വേൾഡിന്റെ കലാവിരുന്നും ഉണ്ണിമായയുടെ മോഹിനിയാട്ടവും ആദരവ് സന്ധ്യക്ക് മാറ്റു കൂട്ടി .ചടങ്ങിൽ കുവൈറ്റിലെ വിവിധ ജില്ലാ പ്രധിനിധികൾ സന്നിഹിതരായിരുന്നു .
ജനറൽ സെക്രട്ടറി ഡൊമിനിക് സ്വാഗതവും ജയകുമാരി ,സന്തോഷ് കുമാർ ,അനൂപ് ,സോണിയ റോയ് ,പ്രകാശൻ ആശംസയും ,ഫൈനാൻസ് സെക്രട്ടറി ഹരീന്ദ്രൻ നന്ദിയും പറഞ്ഞു.
More Stories
പബ്ലിക് അതോറിറ്റി ഫോർ സിവിൽ ഇൻഫർമേഷൻ ( PACI ) 624 പേരുടെ വിലാസം നീക്കം ചെയ്തു .
അറ്റകുറ്റപണികൾ നടക്കുന്നതിന്റെ ഭാഗമായി താൽക്കാലികമായി നിർത്തിവച്ചിരുന്ന സഹേൽ ആപ്പ് സേവനങ്ങൾ വീണ്ടും ലഭ്യമായി തുടങ്ങി
ഗ്രാൻഡ് ഹൈപ്പർമാർക്കറ്റിൻ്റെ 42 മത് ഔട്ട്ലെറ്റ് ഫഹഹീലിലും 43 മത് മംഗഫിലുമായി പ്രവർത്തനം ആരംഭിച്ചു