കുവൈറ്റ് ഇന്ത്യൻ എംബസി പാസ്പോർട്ട് സേവനങ്ങൾ താൽക്കാലികമായി നിർത്തി വെക്കും

പാസ്‌പോർട്ട് സേവാ പോർട്ടലിൽ അറ്റകുറ്റപ്പണികൾ നടക്കുന്നതിനാൽ 2024 സെപ്റ്റംബർ 20 വെള്ളിയാഴ്ച 08:00 PM IST (കുവൈറ്റ് സമയം 5 :30 pm ) മുതൽ 2024 സെപ്റ്റംബർ 23 തിങ്കളാഴ്ച 06:00 am IST (കുവൈറ്റ് സമയം 03:30 am ) വരെ താൽക്കാലികമായി നിർത്തി വെക്കുന്നതാണെന്നു ഇന്ത്യൻ എംബസി അറിയിച്ചു.

ഈ കാലയളവിൽ, തത്കാൽ പാസ്‌പോർട്ട് , പോലീസ് ക്ലിയറൻസ് സർട്ടിഫിക്കറ്റ് (പിസിസി) എന്നിവ നൽകുന്നത് ഉൾപ്പെടെയുള്ള പാസ്‌പോർട്ട് അനുബന്ധ സേവനങ്ങൾ എംബസിയിലും, കുവൈത്ത് സിറ്റി, ഫഹാഹീൽ, ജിലീബ് അൽ ഷുവൈഖ്, ജഹ്‌റ എന്നിവിടങ്ങളിലുള്ള ഇന്ത്യൻ കോൺസുലർ അപേക്ഷാ കേന്ദ്രങ്ങളിലും (ICACS ) താൽക്കാലികമായി ലഭ്യമായിരിക്കുകയില്ല .
.

എന്നിരുന്നാലും, വിസ സേവനങ്ങൾ ഉൾപ്പെടെയുള്ള മറ്റ് കോൺസുലാർ സേവനങ്ങൾ ന്ത്യൻ കോൺസുലർ അപേക്ഷാ കേന്ദ്രങ്ങളിൽ (ICACS ) തുടർന്നും ലഭ്യമാകും. ഇന്ത്യൻ പൗരന്മാർ അതനുസരിച്ച് അവരുടെ സന്ദർശനങ്ങൾ ആസൂത്രണം ചെയ്യാനും ഷെഡ്യൂൾ ചെയ്ത അറ്റകുറ്റപ്പണി കാലയളവിന് മുമ്പോ ശേഷമോ പാസ്‌പോർട്ടുമായി ബന്ധപ്പെട്ട ഏതെങ്കിലും അടിയന്തിര നടപടിക്രമങ്ങൾ പൂർത്തിയാക്കാനും ഇന്ത്യൻ എംബസ്സി കുവൈറ്റ് നിർദ്ദേശിച്ചു.