റമദാനിലെ സർക്കാർ ഓഫിസുകളുടെ പ്രവൃത്തി സമയം പ്രഖ്യാപിച്ച്‌ സി എസ് സി

റമദാൻ മാസത്തിലെ സർക്കാർ ഓഫിസുകളുടെ ഔദ്യോഗിക ജോലി സമയം പ്രഖ്യാപിച്ച്‌ സിവിൽ സർവീസ് കമ്മീഷൻ (സിഎസ്‌സി). രാവിലെയും വൈകുന്നേരവും ഷിഫ്റ്റുകൾക്ക് നാലര മണിക്കൂർ അടങ്ങുന്ന ഒരു ഫ്ളക്സിബിൾ പ്രവർത്തന സമയക്രമമാണ് പ്രഖ്യാപിച്ചത് .

റമദാനിലെ ഹാജർ രേഖപ്പെടുത്തുവാനുള്ള സമയം രാവിലെ 8:30 മുതൽ ആരംഭിച്ച് 10:30 ന് അവസാനിക്കുമെന്ന് തിങ്കളാഴ്ച പുറത്തിറക്കിയ പത്രക്കുറിപ്പിൽ സിഎസ്‌സി വ്യക്തമാക്കി.ഹാജർ രേഖപ്പെടുത്തിയ സമയം മുതൽ നാലര മണിക്കൂർ ജോലി സമയം പൂർത്തിയാക്കണം, ജോലിയുടെ ആവശ്യകതകളെ അടിസ്ഥാനമാക്കി കൃത്യമായ ആരംഭ, അവസാന സമയങ്ങൾ നിർണ്ണയിക്കാൻ സർക്കാർ ഏജൻസികൾക്ക് സ്വാതന്ത്ര്യമുണ്ടെന്നും വ്യക്തമാക്കി .

സിവിൽ സർവീസ് കൗൺസിലിന്റെ തീരുമാനത്തിൽ വിവരിച്ചിരിക്കുന്നതുപോലെ, സർക്കാർ ഏജൻസികൾ വിരലടയാള പരിശോധനാ സംവിധാനം തുടർന്നും ഉപയോഗിക്കണമെന്ന് കമ്മീഷൻ ആവർത്തിച്ചു.

കൂടാതെ, വൈകുന്നേരത്തെ ഷിഫ്റ്റിലെ ഔദ്യോഗിക പ്രവൃത്തി സമയം വൈകീട്ട് 6.45 ന് ശേഷം ആരംഭിച്ച് രാത്രി 11 മണിവരെയായിരിക്കുമെന്നും ഷിഫ്റ്റിന്റെ തുടക്കത്തിൽ 15 മിനിറ്റ് ഗ്രേസ് പിരീഡ് നൽകുമെന്നും സിഎസ്‌സി വ്യക്തമാക്കി. സമാനമായ ഗ്രേസ് പിരീഡ് വനിതാ ജീവനക്കാർക്കും അവരുടെ പ്രവൃത്തി ദിവസത്തിന്റെ അവസാനം ബാധകമാകും. എല്ലാ ഏജൻസികളും നിർദ്ദിഷ്ട വൈകുന്നേരത്തെ പ്രവൃത്തി സമയം പാലിക്കേണ്ടതിന്റെ ആവശ്യകത കമ്മീഷൻ ഊന്നിപ്പറഞ്ഞു ,