ശുചിത്വ കാമ്പെയ്‌നുമായി  കുവൈറ്റ് മുനിസിപ്പാലിറ്റി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : രാജ്യത്തെ ശുചിത്വ നിലവാരം ഉയർത്തുന്നതിനായി കുവൈറ്റ് മുനിസിപ്പാലിറ്റി അതിന്റെ പരിശോധനാ കാമ്പെയ്‌നുകൾ തുടരുന്നു. രാജ്യത്തെ എല്ലാ ഗവർണറേറ്റുകളിലും ശുചിത്വ നിലവാരം ഉയർത്തുക എന്ന ലക്ഷ്യത്തോടെയുള്ള ഫീൽഡ് കാമ്പെയ്‌നിന്റെ ഭാഗമായി ജഹ്‌റ ഗവർണറേറ്റ് മുനിസിപ്പാലിറ്റി ശാഖയിൽ പൊതു ശുചിത്വത്തിനും റോഡ് വർക്ക്സ് വകുപ്പിനുമായി ഇന്നലെ അതിന്റെ രണ്ടാമത്തെ പരിശോധന കാമ്പയിൻ ആരംഭിച്ചു.

കാമ്പെയ്‌നിന്റെ ഭാഗമായി നടത്തിയ പത്രപ്രസ്‌താവനയിൽ, ജഹ്‌റ ഗവർണറേറ്റ് മുനിസിപ്പാലിറ്റി ബ്രാഞ്ചിലെ പബ്ലിക് ക്ലീൻലിനസ് സൂപ്പർവൈസർ ദഹാം അൽ-അനാസി, പൊതു ശുചിത്വം നിലനിർത്തുന്നതിനായി ഗവർണറേറ്റിന്റെ എല്ലാ മേഖലകളിലും പരിശോധന കാമ്പയിൻ തുടരുമെന്ന് സ്ഥിരീകരിച്ചതായി അൽ-റായി ദിനപത്രം റിപ്പോർട്ട് ചെയ്യുന്നു. .

കബ്ദ് പ്രദേശത്ത് അവശിഷ്ടങ്ങളും മാലിന്യങ്ങളും നീക്കം ചെയ്തും ഉപേക്ഷിക്കപ്പെട്ട കാറുകളും റോഡിന് തടസ്സം സൃഷ്ടിക്കുന്നതും പൊതു കാഴ്ചയെ വികലമാക്കുന്നതുമായ എല്ലാം നീക്കം ചെയ്തുകൊണ്ടാണ് കാമ്പയിൻ ആരംഭിച്ചതെന്ന് അൽ-എനിസി വിശദീകരിച്ചു,