കുവൈറ്റിൽ സ്വദേശികളുടെ പ്രതിമാസ ശമ്പളത്തിൽ അഞ്ചുവർഷത്തിനിടെ 113 ദിനാറിൻ്റെ വർദ്ധനവ്

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: സമീപകാല ഔദ്യോഗിക സ്ഥിതിവിവരക്കണക്കുകൾ പ്രകാരം, പൊതു-സ്വകാര്യ തൊഴിൽ വിപണിയിൽ കുവൈത്തികളുടെ ശരാശരി മൊത്ത പ്രതിമാസ ശമ്പളം കഴിഞ്ഞ അഞ്ച് വർഷത്തിനിടെ പ്രതിമാസം 113 ദിനാർ വർദ്ധിച്ചു. കഴിഞ്ഞ വർഷം അവസാനത്തെ കണക്കനുസരിച്ച് ശരാശരി പ്രതിമാസ ശമ്പളം 1,491 ദിനാർ ആയിരുന്നു, അഞ്ച് വർഷം മുമ്പ് പ്രതിമാസം 1,378 ദിനാർ ആയിരുന്നു എന്ന് പ്രാദേശിക ദിനപത്രം റിപ്പോർട്ട് ചെയ്യുന്നു.

സെൻട്രൽ സ്റ്റാറ്റിസ്റ്റിക്കൽ ബ്യൂറോ പുറത്തിറക്കിയ സമീപകാല തൊഴിൽ വിപണി സ്ഥിതിവിവരക്കണക്കുകൾ അടിസ്ഥാനമാക്കി ദിനപത്രം തയ്യാറാക്കിയ ഒരു താരതമ്യത്തിൽ, 2016 അവസാനം മുതൽ 2021 അവസാനം വരെയുള്ള അഞ്ച് വർഷ കാലയളവിൽ സർക്കാർ മേഖലയിലെയും സ്വകാര്യ മേഖലയിലെയും കുവൈത്തികളുടെ ശരാശരി പ്രതിമാസ ശമ്പളം  വർധിച്ചതായി കാണിക്കുന്നു.