മഴക്കാലത്തെ നേരിടാൻ അധികൃതർ സജ്ജമാണെന്ന് കുവൈറ്റ് മന്ത്രാലയം

വരാനിരിക്കുന്ന മഴക്കാലസാഹചര്യങ്ങളെ നേരിടാനുള്ള തയ്യാറെടുപ്പുകൾ പുരോഗമിക്കുകയാണെന്ന് പൊതുമരാമത്ത് മന്ത്രി ഡോ.നൂറ അൽ-മഷാൻ ബുധനാഴ്ച സ്ഥിരീകരിച്ചു.

മന്ത്രാലയത്തിൻ്റെ ഫീൽഡ് ടീമുകൾ സജ്ജമാകുമെന്നും കനത്ത മഴയിൽ നിന്ന് ഉണ്ടാകുന്ന ബുദ്ധിമുട്ടുകൾ നേരിടാൻ മറ്റ് വകുപ്പുകളിലെ കൂടെ ഏകോപിപ്പിക്കുമെന്നും വിവിധ അധികാരികളുമായുള്ള കൂടിക്കാഴ്ചയ്ക്ക് ശേഷം ഡോ. ​​അൽ മഷാൻ പ്രസ്താവനയിൽ പറഞ്ഞു.

പൊതു സ്ഥലങ്ങളിൽ മലിനജല പൈപ്പുകൾ അടയുന്നത് ഒഴിവാക്കാനും അഴുക്കുചാലുകളുടെ ശുചിത്വം ഉറപ്പാക്കാനും പൊതു സ്ഥലങ്ങളിൽ മാലിന്യം തള്ളുന്നത് ഒഴിവാക്കാനും പൗരന്മാരോടും താമസക്കാരോടും അഭ്യർത്ഥിച്ചു.

നാഷണൽ പെട്രോളിയം കമ്പനിയും ഹൗസിംഗ് ആൻഡ് റോഡ് അധികാരികളും, ജിയോളജിസ്റ്റുകൾ, പ്രതിരോധം, ആഭ്യന്തരം, സിവിൽ ഡിഫൻസ്, നാഷണൽ ഗാർഡ്‌സ്, കുവൈറ്റ് ഫയർഫോഴ്‌സ്, കുവൈറ്റ് മുനിസിപ്പാലിറ്റി, സിവിൽ ഏവിയേഷൻ അതോറിറ്റി, വൈദ്യുതി, ജലം, വിദ്യാഭ്യാസം, കുവൈറ്റ് ഓയിൽ കമ്പനി തുടങ്ങിയ മന്ത്രാലയങ്ങളിലെ ഉദ്യോഗസ്ഥർ അടങ്ങുന്ന ഒരു സംഘവും യോഗത്തിൽ പങ്കെടുത്തു.