സ്വകാര്യ പർപ്പിട മേഖലകളിൽ ബാച്ചിലർമാർക്ക് വീട് വാടകയ്ക്ക് നൽകുന്നവരെ നാടുകടത്തുമെന്ന് അധികൃതർ

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി: കുവൈറ്റ് മുനിസിപ്പാലിറ്റി ആക്ടിംഗ് ഡയറക്ടർ ജനറൽ എഞ്ചി.സൗദ് അൽ-ദബ്ബൂസ് ,  സ്വകാര്യ, മോഡൽ ഭവനങ്ങളിൽ താമസിക്കുന്ന ബാച്ചിലേഴ്സ് പ്രതിഭാസം പരിമിതപ്പെടുത്തുന്നതിനായി രൂപീകരിച്ച കമ്മിറ്റിയുടെ യോഗത്തിൽ അംഗീകരിച്ച ഒരു പുതിയ നടപടിക്രമം  വെളിപ്പെടുത്തി. ബാച്ചിലർമാർക്ക് വാടകയ്‌ക്ക് നൽകുന്നതിനായി സ്വകാര്യ വീടുകളിലെ ഏതെങ്കിലും വസ്തുവകകൾ ചൂഷണം ചെയ്‌തതിന് തെളിവ് ലഭിച്ചാൽ വിദേശ നിക്ഷേപകനെ നാടുകടത്തുന്നതാണ് നടപടിക്രമമെന്ന് അൽ-റായി ദിനപത്രം റിപ്പോർട്ട് ചെയ്യുന്നു.

വിവിധ സ്വകാര്യ, മോഡൽ റസിഡൻഷ്യൽ ഏരിയകളിൽ ബാച്ചിലർമാരുടെ വസതികളായി ഉപയോഗിക്കുന്ന ഏകദേശം 1,156 വീടുകൾ മുനിസിപ്പാലിറ്റി നിരീക്ഷിച്ചതായി അൽ-ദബ്ബൂസ് അറിയിച്ചു.