കുവൈറ്റിൽ ബൂസ്റ്റർ വാക്സിൻ സ്വീകരിച്ചവരുടെ എണ്ണം നാല് ലക്ഷത്തോളം ആകുന്നു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : കുവൈറ്റ് വാക്‌സിനേഷൻ സെന്റർ ബൂസ്റ്റർ ഡോസ് സ്വീകരിക്കുന്നതിന് വൻ ജനപങ്കാളിത്തത്തിന് സാക്ഷ്യം വഹിച്ചു. സ്വദേശികളുടെയും വിദേശികളുടെയും വൻ തിരക്ക് ആണ് ഇപ്പൊൾ വാക്സിൻ കേന്ദ്രങ്ങളിൽ അനുഭവപ്പെടുന്നത്.

ഏറ്റവും പുതിയ സ്ഥിതിവിവരക്കണക്കുകൾ പ്രകാരം രാജ്യത്ത് ഇതു വരെ 400,000 പേരോളം വാക്സിൻ സ്വീകരിച്ചു. കൊറോണ വൈറസ് അണുബാധയുടെ അപകടസാധ്യതയിൽ നിന്ന് ഒഴിവാകാൻ വാക്സിൻ അത്യന്താപേക്ഷിതം ആണെന്ന് അധികൃതർ അറിയിച്ചു.