കുവൈറ്റില്‍ 60 വയസ്സ് കഴിഞ്ഞ പ്രവാസികൾക്ക് താമസ രേഖ പുതുക്കി നൽകിയേക്കില്ല

കുവൈറ്റ്‌ :കുവൈറ്റില്‍ 60 വയസ്സ് കഴിഞ്ഞ
ആളുകൾക്ക് അടുത്ത വർഷം മുതൽ താമസ രേഖ പുതുക്കി നൽകില്ലെന്ന് പ്രാദേശിക പത്രം റിപ്പോർട്ട് ചെയ്‌തു. പബ്ലിക് അതോറിറ്റി ഫോർ മാൻ‌പവർ നൽകിയ നിർദ്ദേശത്തിൽ യൂണിവേഴ്സിറ്റി ബിരുദ ധാരികൾ അല്ലാത്ത 60 വയസും അതിൽ കൂടുതലുമുള്ളവരുമായ പ്രവാസികൾ ഒരു വർഷത്തിനുള്ളിൽ രാജ്യം വിടാനും ആവശ്യമായ റെസിഡൻസി നടപടിക്രമങ്ങൾ പൂർത്തിയാക്കാൻ തയ്യാറാകണമെന്നും അറിയിച്ചിട്ടുണ്ട്.

സർക്കാരിന്റെ സ്ഥിതിവിവരക്കണക്കുകൾ പ്രകാരം സർവകലാശാല ബിരുദം ഇല്ലാത്ത 60 വയസ്സ് തികഞ്ഞ 83,562 പ്രവാസികളാണ് കുവൈറ്റിൽ ഉള്ളത് .