അംബാസഡർ സിബി ജോർജ് മന്ത്രി ഡോ. രന അൽ ഫാരിസുമായി കൂടിക്കാഴ്ച നടത്തി

Times of Kuwait

കുവൈത്ത് സിറ്റി :അംബാസഡർ സിബി ജോർജ് മന്ത്രി ഡോ. രന അൽ ഫാരിസുമായി കൂടിക്കാഴ്ച നടത്തി . കഴിഞ്ഞ ദിവസമാണ് കുവൈറ്റിലെ ഇന്ത്യൻ സ്ഥാനപതി കുവൈത്ത് മന്ത്രിസഭയിൽ പൊതുമരാമത്ത്, വാർത്താവിതരണം, വിവരസാങ്കേതിക വകുപ്പുകളുടെ ചുമതല വഹിക്കുന്ന മന്ത്രി ഡോ. രന അൽ ഫാരിസിനെ സന്ദർശിച്ചത്.

കൂടിക്കാഴ്ചയിൽ ഇന്ത്യയും കുവൈത്തും തമ്മിലുള്ള ഉഭയകക്ഷി ബന്ധങ്ങളും ഉഭയകക്ഷി സഹകരണം വർദ്ധിപ്പിക്കുന്നതിനുള്ള വഴികളും ചർച്ച ചെയ്തു. കൂടാതെ വിവരസാങ്കേതിക, പൊതുനിർമ്മാണ മേഖലകളിൽ പരസ്പര സഹകരണത്തിന് ഉള്ള വിഷയങ്ങളും ചർച്ചയായി.