കുവൈത്തിലെ ഇന്ത്യൻ എംബസിയുടെ ആഭിമുഖ്യത്തിൽ ഓൺലൈൻ ക്വിസ്‌ പരിപാടി സംഘടിപ്പിക്കുന്നു

Times of Kuwait

കുവൈത്ത്‌ സിറ്റി : കുവൈത്തിലെ ഇന്ത്യൻ എംബസിയുടെ ആഭിമുഖ്യത്തിൽ ക്വിസ്‌ പരിപാടി സംഘടിപ്പിക്കുന്നു. റിപബ്ലിക്‌ ദിനത്തോട്‌ അനുബന്ധിച്ച്‌ ഓൺലൈൻ പ്ലാറ്റ്ഫോമിൽ ആണ് ക്വിസ്‌ മത്സരം .

ജനുവരി മൂന്നാം തീയതി മത്സരം ആരംഭിക്കും. ജനുവരി 25 വരെ എല്ലാ പ്രവൃത്തി ദിനങ്ങളിലും മത്സരം ഉണ്ടായിരിക്കും. ഇന്ത്യൻ ഭരണ ഘടന, ഇന്ത്യയിലെ നദികൾ, ദ്വീപുകൾ, ആഘോഷങ്ങൾ, സംസ്ഥാനങ്ങൾ എന്നീ വിഷയങ്ങൾ ആസ്പദമാക്കിയാകും ചോദ്യങ്ങൾ. ഓരോ ദിവസത്തെയും മത്സര വിഷയങ്ങൾ തലേദിവസം ഇന്ത്യൻ എംബസിയുടെ സമൂഹമാധ്യമ അക്കൗണ്ടുകളിൽ പ്രസിദ്ധീകരിക്കുന്നതാണ്. വിജയികൾക്ക് എംബസിയിൽ സംഘടിപ്പിക്കുന്ന ചടങ്ങിൽ സമ്മാനം വിതരണം ചെയ്യും.