കുവൈറ്റിലെ ആദ്യ കോവിഡ് വാക്സിൻ പ്രധാനമന്ത്രി സ്വീകരിച്ചു

Times of Kuwait

കുവൈറ്റ് സിറ്റി : കുവൈറ്റിലെ ആദ്യ കോവിഡ് വാക്സിൻ പ്രധാനമന്ത്രി ഷെയ്ഖ് സബാഹ് ഖാലിദ് അൽ സബാഹ് സ്വീകരിച്ചു. അൽപം മുൻപ് മിശരിഫ്‌ ഫെയർ ഗ്രൗണ്ടിൽ ക്രമീകരിച്ച വാക്സിനേഷൻ കേന്ദ്രത്തിൽ എത്തിയാണ് അദ്ദേഹം കുത്തിവെപ്പ് സ്വീകരിച്ചത്.

ആരോഗ്യമന്ത്രി ഡോ. ബാസിൽ അൽ സബാഹും തദവസരത്തിൽ സന്നിഹിതനായിരുന്നു.ഇന്നലെ രാവിലെയാണ് ഫൈസർ കമ്പനിയുടെ കോവിഡ് വാക്‌സിൻ കുവൈറ്റിൽ എത്തിച്ചത്. എമിറേറ്റ്സ് വിമാനത്തിൽ പ്രത്യേക ശീതീകരണ സംവിധാനത്തിൽ ഒന്നരലക്ഷം വാക്സിൻ ആദ്യഘട്ടത്തിൽ വിതരണത്തിനായി എത്തിയത്.

ആദ്യ ഘട്ടത്തിൽ ആരോഗ്യ രംഗത്തെ മുൻ നിര പ്രവർത്തകർക്കും 65 വയസ്സിനു മുകളിൽ പ്രായമുള്ള വയോധികർക്കുമാണു കുത്തി വെപ്പ്‌ നൽകുക. എന്നാൽ കുത്തിവെപ്പ്‌ നിർബന്ധിതമായിരിക്കില്ല.