November 25, 2024

CNXN.TV

Kuwait News (കുവൈറ്റ് വാർത്തകൾ .Get the Latest Malayalam news in Kuwait & Today's Breaking News (ബ്രേക്കിങ് വാർത്ത) headlines in Malayalam .CNXN TV has the most recent Malayalam Gulf news and updates from Kuwait.

അഞ്ച് മാസത്തിന് ശേഷം ഹോളി ഫാമിലി കത്തീഡ്രൽ ആരാധനയ്ക്കായി തുറന്നു

കുവൈറ്റ് സിറ്റി:അഞ്ച് മാസത്തിന് ശേഷം കുവൈറ്റ് സിറ്റിയിലെ ഹോളി ഫാമിലി കത്തീഡ്രൽ ആരാധനയ്ക്കായി വീണ്ടും തുറന്നു. ഇന്നലെ വിവിധ രാജ്യക്കാർക്കായി 10 കുർബാനയാണ് നടത്തപ്പെട്ടത് . കർശനമായ ആരോഗ്യ സുരക്ഷാ മാനദണ്ഡങ്ങൾ പാലിച്ചുകൊണ്ടാണ് പ്രവർത്തനം പുനരാരംഭിച്ചത് . കത്തീഡ്രലിലേക്കും ഹാളുകളിലേക്കും പ്രവേശിക്കുന്നതിനുമുമ്പ് എല്ലാവരും മാസ്ക് ധരിക്കുകയും കൈകളും പാദരക്ഷകളും വൃത്തിയാക്കുകയും ചെയ്യേണ്ടത് നിർബന്ധമാണ്. വൈറസിന്റെ വ്യാപനം തടയുന്നതിന് സാമൂഹിക അകലം പാലിക്കാൻ വിശ്വാസികളോട് ആവശ്യപ്പെട്ടിട്ടുണ്ട്.
ആരാധന സേവനങ്ങളിൽ പങ്കെടുക്കാൻ 15 നും 65 നും ഇടയിൽ പ്രായമുള്ളവർക്ക് മാത്രമേ പ്രവേശിക്കാൻ അനുവാദമുള്ളൂ എന്നതിനാൽ മുൻകരുതൽ നടപടികൾ സ്വീകരിച്ചിട്ടുണ്ട്.പങ്കെടുക്കാൻ കഴിയുന്ന വിശ്വാസികളുടെ എണ്ണം നിശ്ചിതവും പരിമിതവുമായതിനാൽ പ്രാർഥനകളിൽ പങ്കെടുക്കാൻ രജിസ്റ്റർ ചെയ്യണം. www.avona.org എന്ന വെബ്സൈറ്റിൽ രജിസ്റ്റർ ചെയ്ത് അനുമതി ലഭിച്ചവർക്ക് മാത്രമായിരിക്കും പ്രവേശനം.

error: Content is protected !!