പുതിയ ഗതാഗത നിയമം നടപ്പിലാക്കിയതോടെ ഗതാഗത നിയമലംഘനങ്ങളിൽ 71% ത്തോളം കുറവ് രേഖപ്പെടുത്തി .

പുതിയ നിയമം നടപ്പിലാക്കിയതിന്റെ ആദ്യ ദിവസം തന്നെ രേഖപ്പെടുത്തിയ നിയമലംഘനങ്ങളിൽ 71 ശതമാനം കുറവുണ്ടായതായി മന്ത്രാലയം . ഗതാഗത അച്ചടക്കം വർദ്ധിപ്പിക്കുന്നതിനും റോഡ് സുരക്ഷയുടെ നിലവാരം ഉയർത്തുന്നതിനുമുള്ള ശ്രമങ്ങളുടെ ഭാഗമായി, മന്ത്രാലയത്തിലെ ജനറൽ ട്രാഫിക് വകുപ്പ് ചൊവ്വാഴ്ച പുറത്തിറക്കിയ സ്ഥിതിവിവരക്കണക്കുകൾ പ്രകാരം ഓട്ടോമേറ്റഡ് ക്യാമറകൾ കണ്ടെത്തിയ നിയമലംഘനങ്ങളുടെ എണ്ണത്തിൽ ഗണ്യമായ കുറവ് കാണിച്ചു.

ഏപ്രിൽ 15 ന് രേഖപ്പെടുത്തിയ നിയമലംഘനങ്ങളെ അപേക്ഷിച്ച് നിയമലംഘനങ്ങളുടെ എണ്ണം 71 ശതമാനം കുറഞ്ഞതായി സ്ഥിതിവിവരക്കണക്കുകൾ വെളിപ്പെടുത്തി. സീറ്റ് ബെൽറ്റ് ധരിക്കാതിരിക്കുക, വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുക, ഗതാഗത അടയാളങ്ങൾ അവഗണിക്കുക എന്നിവയാണ് നിയമലംഘനങ്ങളിൽ ഉൾപ്പെടുന്നത്.