കുവൈറ്റിൽ റോ​ഡ് അ​റ്റ​കു​റ്റ​പ്പ​ണി​ക​ൾ ഉ​ട​ന്‍ ആ​രം​ഭി​ക്കും

രാ​ജ്യ​ത്തെ റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ൾ ഉടൻ ആരംഭിക്കും , ഹൈ​വേ​ക​ളു​ടെ​യും പ്ര​ധാ​ന റോ​ഡു​ക​ളു​ടെ​യും അ​റ്റ​കു​റ്റ​പ്പ​ണി​ക​ൾ​ക്കാ​യി പ്രാ​ദേ​ശി​ക, വി​ദേ​ശ സ്ഥാ​പ​ന​ങ്ങ​ളു​മാ​യി ക​രാ​റു​ക​ളി​ൽ ഒ​പ്പു​വെ​ച്ച​താ​യി പൊ​തു​മ​രാ​മ​ത്ത് മ​ന്ത്രി ഡോ.​നൂ​റ അ​ൽ മ​ഷാ​ൻ അ​റി​യി​ച്ചു. ആഭ്യന്തര മന്ത്രാലയവും പൊതുമരാമത്ത് മന്ത്രലയവും ചേർന്നുള്ള ഏകോപന യോഗത്തിൽ ആക്ടിംഗ് പ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ സബാഹ്, പൊതുമരാമത്ത് മന്ത്രി ഡോ. നൂറ മുഹമ്മദ് അൽ മഷാൻ, നിരവധി അസിസ്റ്റൻ്റ് അണ്ടർ സെക്രട്ടറിമാർ എന്നിവർ പങ്കെടുത്തു ,

റോ​ഡു​ക​ൾ ന​വീ​ക​രി​ക്കാ​നു​ള്ള ക​രാ​റു​ക​ൾ​ക്ക് ബ​ന്ധ​പ്പെ​ട്ട സം​സ്ഥാ​ന സ്ഥാ​പ​ന​ങ്ങ​ൾ അം​ഗീ​കാ​രം ന​ൽ​കി​യ​താ​യും മ​ന്ത്രി വ്യ​ക്ത​മാ​ക്കി. അ​തി​നി​ടെ റോ​ഡു പ​ണി​ക്കി​ടെ ഗ​താ​ഗ​ത ത​ട​സ്സ​മി​ല്ലാ​താ​ക്ക​ല്‍, ക​രാ​ർ ജോ​ലി​ക​ള്‍ക്ക് മ​ന്ത്രാ​ല​യ​ത്തി​ന്റെ നേ​രി​ട്ടു​ള്ള മേ​ൽ​നോ​ട്ടം, ക​രാ​ർ ഷെ​ഡ്യൂ​ൾ ത​യാ​റാ​ക്ക​ൽ, ആ​വ​ശ്യ​മാ​യ ബി​റ്റു​മി​ൻ ല​ഭ്യ​ത തു​ട​ങ്ങി​യ കാ​ര്യ​ങ്ങ​ള്‍ ഉ​റ​പ്പാ​ക്ക​ണ​മെ​ന്ന് ഓ​ഡി​റ്റ് ബ്യൂ​റോ നേ​ര​ത്തെ ബ​ന്ധ​പ്പെ​ട്ട​വ​രോ​ട് ആ​വ​ശ്യ​പ്പെ​ട്ടി​രു​ന്നു. അ​റ്റ​കു​റ്റ​പ്പ​ണി​ക​ൾ പൂ​ർ​ത്തീ​ക​രി​ക്കു​ന്ന​തോ​ടെ രാ​ജ്യ​ത്തെ റോ​ഡ് അ​ടി​സ്ഥാ​ന സൗ​ക​ര്യ​ങ്ങ​ൾ കൂ​ടു​ത​ല്‍ മെ​ച്ച​പ്പെ​ടും.

ബന്ധപ്പെട്ട എല്ലാ സംസ്ഥാന ഏജൻസികൾക്കിടയിലും സംയുക്ത ബോധവൽക്കരണ കാമ്പയിൻ ആരംഭിക്കാൻ ധാരണയായി. അറ്റകുറ്റപ്പണികൾക്കും റോഡ് മെച്ചപ്പെടുത്തൽ സമയത്തും സുരക്ഷിതമായ ഡ്രൈവിംഗ് പ്രോത്സാഹിപ്പിക്കുന്നതിന് ട്രാഫിക് മുന്നറിയിപ്പുകൾ, നിർദ്ദേശങ്ങൾ, താൽക്കാലിക റോഡ് അടയ്ക്കൽ എന്നിവയെക്കുറിച്ച് പൊതുജനങ്ങളെ ബോധവൽക്കരിക്കുക എന്നതാണ് കാമ്പയിൻ ലക്ഷ്യമിടുന്നത്. റോഡ് ഉപയോക്താക്കളുടെ സുരക്ഷ ഉറപ്പാക്കുന്നതിനായി സഹേൽ ആപ്പ് വഴിയുള്ള അറിയിപ്പുകൾ വഴി റോഡ് പ്രവൃത്തിയെക്കുറിച്ചുള്ള അപ്‌ഡേറ്റുകൾ പൗരന്മാർക്ക് ലഭിക്കും.