കുവൈത്ത് മുൻ പ്രധാനമന്ത്രി ശൈഖ് ജാബിർ അൽ മുബാറക് അൽ സബാഹ് അന്തരിച്ചു

കുവൈത്ത് മുൻ പ്രധാനമന്ത്രി ശൈഖ് ജാബിർ അൽ മുബാറക് അൽ ഹമദ് അൽ മുബാറക് അൽ സബാഹ് അന്തരിച്ചു. 1942 ൽ ജനിച്ച ഷെയ്ഖ് ജാബർ മുബാറക് 1968 തുടക്കത്തിൽ അമീരി ദിവാനിൽ അഡ്മിനിസ്ട്രേറ്റീവ് ആൻഡ് ഫിനാൻഷ്യൽ അഫയേഴ്സ് സൂപ്പർവൈസറായി സേവനമനുഷ്ഠിച്ചായിരുന്നു തുടക്കം .

തുടർന്ന് ഡിപ്പാർട്ട്‌മെൻ്റ് ഡയറക്ടർ, അഡ്മിനിസ്‌ട്രേറ്റീവ് ആൻഡ് ഫിനാൻഷ്യൽ അഫയേഴ്‌സ് അസിസ്റ്റൻ്റ് അണ്ടർസെക്രട്ടറി എന്നീ പദവികൾ വഹിച്ചു.
1979 മാർച്ച് 19 ന് ഷെയ്ഖ് ജാബർ ഹവല്ലി ഗവർണറായി നിയമിതനായി. പിന്നീട് അഹമ്മദിയുടെ ഗവർണറായി സേവനമനുഷ്ഠിച്ച അദ്ദേഹം സാമൂഹ്യകാര്യ-തൊഴിൽ മന്ത്രി, വാർത്താവിതരണ മന്ത്രി, അമീറിൻ്റെ ഓഫീസിലെ ഉപദേഷ്ടാവ് തുടങ്ങി വിവിധ മന്ത്രിപദങ്ങൾ വഹിച്ചു.

2001 ഫെബ്രുവരി 14-ന് ഷെയ്ഖ് ജാബർ അൽ മുബാറക്ക് ഉപപ്രധാനമന്ത്രിയും പ്രതിരോധ മന്ത്രിയുമായി തിരഞ്ഞെടുക്കപ്പെട്ടു. 2003 ജൂലായ് 14-ന് രൂപീകരിച്ച ഗവൺമെൻ്റിൽ അദ്ദേഹം ഈ സ്ഥാനങ്ങളിലേക്ക് വീണ്ടും നിയമിതനായി. 2006 ഫെബ്രുവരി 9-ന് ഫസ്റ്റ് ഉപപ്രധാനമന്ത്രി, ആഭ്യന്തര മന്ത്രി, പ്രതിരോധ മന്ത്രി എന്നീ സ്ഥാനങ്ങളിൽ അദ്ദേഹത്തെ സ്ഥാനക്കയറ്റം നൽകി, ജൂലൈയിൽ രൂപീകരിച്ച സർക്കാരുകളിൽ ഈ സ്ഥാനങ്ങൾ നിലനിർത്തി.

ജൂലൈ 11 2006 , മാർച്ച് 25 2007 മന്ത്രിതല പുനഃസംഘടനയെത്തുടർന്ന്, ഷെയ്ഖ് ജാബർ തൻ്റെ ആദ്യ ഉപപ്രധാനമന്ത്രി,പ്രതിരോധ മന്ത്രി എന്നെ പദവികൾ വഹിച്ചു ,
2008 മെയ്, 2009 ജനുവരി, 2009 മെയ് , 2011 മെയ് എന്നിവയിൽ രൂപീകരിച്ച സർക്കാരുകളിലൂടെ ഈ സ്ഥാനം അദ്ദേഹം തുടർന്നു. 2011 നവംബർ 28-ന് രാജിവച്ചു.
2011 നവംബറിൽ ഷെയ്ഖ് ജാബർ അൽ മുബാറക്കിനെ പ്രധാനമന്ത്രിയായി നിയമിച്ചു, 2019 വരെ ആ പദവിയിൽ തുടർന്നു