സാ​മ്പ​ത്തി​ക വ​ള​ര്‍ച്ച​നി​ര​ക്ക്; കു​വൈ​ത്തി​ന് മു​ന്നേ​റ്റം

ന്യൂസ് ബ്യൂറോ, കുവൈറ്റ്

കുവൈറ്റ് സി​റ്റി: ക്രെ​ഡി​റ്റ് സ്യൂ​സി​ന്റെ വാ​ർ​ഷി​ക ആ​ഗോ​ള സ​മ്പ​ത്ത് റി​പ്പോ​ർ​ട്ട് അ​നു​സ​രി​ച്ച് കുവൈറ്റിൻ്റെ  ശ​രാ​ശ​രി പ്ര​തി​ശീ​ർ​ഷ സ​മ്പ​ത്ത് ല​ക്ഷം ഡോ​ള​ർ ക​വി​ഞ്ഞ​താ​യി പ്രാ​ദേ​ശി​ക മാ​ധ്യ​മ​മാ​യ അ​ൽ റാ​യി റി​പ്പോ​ർ​ട്ട് ചെ​യ്തു.

ആ​ഗോ​ള വി​പ​ണി​ക​ള്‍ അ​ഭി​മു​ഖീ​ക​രി​ക്കു​ന്ന വെ​ല്ലു​വി​ളി​ക​ള്‍ക്കി​ട​യി​ലും കുവൈറ്റ് ഉ​ൾ​പ്പെ​ടെ​യു​ള്ള മി​ഡി​ലീ​സ്റ്റ് രാ​ജ്യ​ങ്ങ​ളു​ടെ സ​മ്പ​ത്ത് തു​ട​ർ​ച്ച​യാ​യ വാ​ർ​ഷി​ക വ​ള​ർ​ച്ച​ക്ക് സാ​ക്ഷ്യം​വ​ഹി​ക്കു​ന്ന​താ​യി റി​പ്പോ​ര്‍ട്ട് ചൂ​ണ്ടി​ക്കാ​ട്ടി. സ​മ്പ​ത്തി​ന്റെ മൂ​ല്യം 2021ലു​ള്ള 300 ബി​ല്യ​ണ്‍ ഡോ​ള​റി​ല്‍നി​ന്ന് 2026ഓ​ടെ 400 ബി​ല്യ​ണ്‍ ഡോ​ള​റാ​യി ഉ​യ​രു​മെ​ന്നു​മാ​ണ് പ്ര​തീ​ക്ഷ.

നി​ല​വി​ൽ കുവൈറ്റിലെ മൊ​ത്തം ആ​ഭ്യ​ന്ത​ര ഉ​ൽ​പാ​ദ​ന​ത്തി​ന്റെ പ​കു​തി​യും സ​ർ​ക്കാ​ർ വ​രു​മാ​ന​ത്തി​ന്റെ 90 ശ​ത​മാ​ന​വും എ​ണ്ണ മേ​ഖ​ല​യി​ൽ​നി​ന്നാ​ണ്. എ​ണ്ണ ശേ​ഖ​രം ത​ന്ത്ര​പ​ര​മാ​യി വി​നി​യോ​ഗി​ക്കു​ന്ന​താ​ണ് കുവൈറ്റിൻ്റെ സാ​മ്പ​ത്തി​ക വ​ള​ർ​ച്ച​ക്ക് അ​ടി​സ്ഥാ​നം. 2016 മു​ത​ല്‍ കുവൈറ്റിക​ളു​ടെ സ​മ്പ​ത്ത് പ്ര​തി​വ​ര്‍ഷം മൂ​ന്നു ശ​ത​മാ​നം എ​ന്ന നി​ര​ക്കി​ലാ​ണ് വ​ള​ര്‍ച്ച കൈ​വ​രി​ക്കു​ന്ന​ത്.

ഈ ​വ​ള​ര്‍ച്ച 2026 വ​രെ നീ​ളു​മെ​ന്നാ​ണ് പ്ര​തീ​ക്ഷ. കുവൈറ്റിൽ 100 മി​ല്യ​ണ്‍ ഡോ​ള​റി​ല​ധി​കം ഉ​യ​ര്‍ന്ന ആ​സ്തി​യു​ള്ള വ്യ​ക്തി​ക​ളു​ടെ എ​ണ്ണ​ത്തി​ലും വ​ർ​ധ​ന രേ​ഖ​പ്പെ​ടു​ത്തി​യി​ട്ടു​ണ്ട്. വ​രു​മാ​നം വ​ർ​ധി​പ്പി​ക്കു​ന്ന​തി​നാ​യി എ​ണ്ണ ഉ​ൽ​പാ​ദ​നം ഉ​യ​ർ​ത്താ​നു​ള്ള പ​ദ്ധ​തി​യി​ലാ​ണ് രാജ്യം . എ​ണ്ണ വ​രു​മാ​ന​ത്തി​ന്റെ 10 ശ​ത​മാ​നം ഭാ​വി ത​ല​മു​റ​യു​ടെ ക​രു​ത​ൽ നി​ധി​യി​ലേ​ക്ക് വ​ക​യി​രു​ത്തി​യ ശേ​ഷ​മാ​ണ് കുവൈറ്റ് വ​രു​മാ​നം ക​ണ​ക്കാ​ക്കു​ന്ന​ത്.

2022-2023 സാ​മ്പ​ത്തി​ക​വ​ർ​ഷ​ത്തി​ൽ 6.4 ബി​ല്യ​ൺ ദീ​നാ​ർ അ​ന്തി​മ അ​ക്കൗ​ണ്ടി​ൽ മി​ച്ചം രേ​ഖ​പ്പെ​ടു​ത്തി​യ​താ​യി ധ​ന​മ​ന്ത്രാ​ല​യം ക​ഴി​ഞ്ഞ മാ​സം വ്യ​ക്ത​മാ​ക്കി​യി​രു​ന്നു. ഒ​മ്പ​തു വ​ർ​ഷ​ത്തി​നി​ടെ ആ​ദ്യ​മാ​യാ​ണ് കു​വൈ​ത്ത് ഈ ​നേ​ട്ട​ത്തി​ലെ​ത്തി​യ​ത്. മു​ൻ സാ​മ്പ​ത്തി​ക​വ​ർ​ഷം 4.3 ബി​ല്യ​ൺ ദീ​നാ​ർ ആ​യി​രു​ന്നു മി​ച്ചം. 2022-2023 സാ​മ്പ​ത്തി​ക വ​ർ​ഷ​ത്തി​ൽ രാ​ജ്യ​ത്തി​ന്റെ യ​ഥാ​ർ​ഥ വ​രു​മാ​നം 54.7 ശ​ത​മാ​നം വ​ർ​ധി​ച്ച് 28.8 ബി​ല്യ​ൺ ദീ​നാ​റി​ൽ എ​ത്തി​യ​താ​യും ധ​ന​മ​ന്ത്രാ​ല​യം അ​റി​യി​ച്ചു.

സെ​ൻ​ട്ര​ൽ ബാ​ങ്ക് ഓ​ഫ് കു​വൈ​ത്ത് പു​റ​ത്തു​വി​ട്ട സ്ഥി​തി​വി​വ​ര​ക്ക​ണ​ക്കു​ക​ൾ​പ്ര​കാ​രം വി​വി​ധ നി​ക്ഷേ​പ​ങ്ങ​ളി​ൽ ഈ ​വ​ർ​ഷം വ​ർ​ധ​ന രേ​ഖ​പ്പെ​ടു​ത്തി. താ​മ​സ​ക്കാ​രു​ടെ മൊ​ത്തം നി​ക്ഷേ​പ​ത്തി​ല്‍ 1.98 ശ​ത​മാ​ന​മാ​ണ് വ​ർ​ധ​ന. സ്വ​കാ​ര്യ മേ​ഖ​ല​യു​ടെ നി​ക്ഷേ​പ​ത്തി​ൽ 2.89 ശ​ത​മാ​നം വ​ർ​ധ​ന​യും രേ​ഖ​പ്പെ​ടു​ത്തി​യി​ട്ടു​ണ്ട്.

രാ​ജ്യ​ത്തെ എ​ണ്ണ ഉ​ൽ​പാ​ദ​ന​ത്തി​ലെ വ​ർ​ധ​ന വ​രും​വ​ര്‍ഷ​ങ്ങ​ളി​ല്‍ കു​വൈ​ത്ത് സാ​മ്പ​ത്തി​ക വ​ള​ർ​ച്ച​യെ ത്വ​രി​ത​പ്പെ​ടു​ത്തു​മെ​ന്നാ​ണ് സൂ​ച​ന. സ്വ​കാ​ര്യ​മേ​ഖ​ല​യെ പ്രോ​ത്സാ​ഹി​പ്പി​ക്കു​ന്ന​തി​നും വാ​ണി​ജ്യ, നി​ക്ഷേ​പ കാ​ര്യ​ങ്ങ​ളി​ലെ ത​ട​സ്സ​ങ്ങ​ൾ കു​റ​ക്കു​ന്ന​തി​നും കൈ​ക്കൊ​ള്ളു​ന്ന ന​ട​പ​ടി​ക​ളും സാ​മ്പ​ത്തി​ക മേ​ഖ​ല​ക്ക് ഉ​ണ​ർ​വേ​കും.