കുവൈറ്റിൽ വ്യാഴാഴ്ച മുതൽ താപനില കുറയുമെന്ന് കാലാവസ്ഥാ വകുപ്പ്

കുവൈറ്റ് സിറ്റി : കുവൈത്തിൽ അടുത്ത വ്യാഴാഴ്ച മുതൽ അന്തരീക്ഷ താപനിലയിൽ ഗണ്യമായ കുറവുണ്ടാകുമെന്ന് കാലാവസ്ഥാ വകുപ്പിലെ നിരീക്ഷകൻ അബ്ദുൽ അസീസ് അൽ ഖരാവി അറിയിച്ചു.അറേബ്യൻ പെനിൻസുലയുടെ വടക്ക് പടിഞ്ഞാറ് ഭാഗത്ത് നിന്ന് വീശുന്ന കാറ്റിന്റെ വർദ്ധനവാണ് താപനില കുറയാൻ കാരണമാകുന്നതെന്നും ഖരാവി വ്യക്തമാക്കി. താപനില 3 മുതൽ 4 ഡിഗ്രി സെൽഷ്യസ് വരെ കുറയുമെന്നാണു പ്രതീക്ഷിക്കുന്നത്‌.

അടുത്ത കുറച്ച് ദിവസങ്ങൾക്കകം , താപനില ക്രമാനുഗതമായി കുറഞ്ഞു 44-42 ഡിഗ്രി സെൽഷ്യസിൽ എത്തുകയും കുറഞ്ഞ താപ നില 25- 28 ഡിഗ്രീ സെൽഷ്യസിനും നും ഇടയിൽ എത്തുമെന്നും അദ്ദേഹം അറിയിച്ചു.