ന്യൂസ് ബ്യൂറോ, കുവൈറ്റ്
കുവൈറ്റ് സിറ്റി : കുവൈറ്റിലേക്ക് പുതിയതായി വരുന്നവർക്കുള്ള എല്ലാ പോലീസ് ക്ലിയറൻസ് സർട്ടിഫിക്കറ്റുകളും ഇനി മുതൽ ഓൺലൈനിൽ ആയിരിക്കും. പേപ്പർ വർക്കുകൾ ഒഴിവാക്കുകയും ജോലിക്കായി രാജ്യത്ത് പ്രവേശിക്കുകയോ കുടുംബ വിസയിൽ വരുന്നവർക്കുമുള്ള ക്രിമിനൽ റെക്കോർഡുകൾ ഇനി മുതൽ ‘ഓൺലൈൻ’ ആയിരിക്കും.
ഇന്ത്യയിൽ നിന്ന് കുവൈറ്റിലേക്ക് വരുന്നവർക്ക് ആണ് ഇത് ആദ്യം നടപ്പിലാക്കുക.
കുവൈറ്റിലെ ആഭ്യന്തര, വിദേശകാര്യ മന്ത്രാലയങ്ങളും ഇന്ത്യൻ അധികാരികളും തമ്മിൽ ഏകോപനം ഉണ്ടാക്കിയിട്ടുണ്ടെന്നും സെപ്തംബറിൽ മറ്റെല്ലാ രാജ്യങ്ങളിൽ നിന്നുമുള്ള യാത്രക്കാർക്കും നിർബന്ധം ആക്കുമെന്ന പ്രാദേശിക അറബിക് ദിനപത്രം റിപ്പോർട്ട് ചെയ്തു.
ഇന്ത്യയിൽ നിന്ന് വരുന്നവരുടെ പോലീസ് ക്ലിയറൻസ് സർട്ടിഫിക്കറ്റ് കുവൈറ്റ് എംബസിക്ക് സമർപ്പിക്കുകയും, ആധികാരികത പരിശോധനയ്ക്ക് ശേഷം ഇലക്ട്രോണിക്സ് ആയി കുവൈറ്റ് ആഭ്യന്തര മന്ത്രാലയത്തിന് അയയ്ക്കുകയും ചെയ്യും. വരുന്ന വ്യക്തി കുവൈറ്റിലെ മുൻ താമസക്കാരൻ ആയിരുന്നെങ്കിൽ ഇത് സംബന്ധിച്ച് സൂക്ഷ്മ പരിശോധന അഭ്യന്തര മന്ത്രാലയം വഴി ഉണ്ടാകും.
More Stories
പബ്ലിക് അതോറിറ്റി ഫോർ സിവിൽ ഇൻഫർമേഷൻ ( PACI ) 624 പേരുടെ വിലാസം നീക്കം ചെയ്തു .
അറ്റകുറ്റപണികൾ നടക്കുന്നതിന്റെ ഭാഗമായി താൽക്കാലികമായി നിർത്തിവച്ചിരുന്ന സഹേൽ ആപ്പ് സേവനങ്ങൾ വീണ്ടും ലഭ്യമായി തുടങ്ങി
ഗ്രാൻഡ് ഹൈപ്പർമാർക്കറ്റിൻ്റെ 42 മത് ഔട്ട്ലെറ്റ് ഫഹഹീലിലും 43 മത് മംഗഫിലുമായി പ്രവർത്തനം ആരംഭിച്ചു