കാലാവധി അവസാനിച്ച 1,675 ടയറുകൾ ജലീബിൽ നിന്ന് പിടിച്ചെടുത്തു

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : വാണിജ്യ-വ്യവസായ മന്ത്രാലയത്തിലെ ഫർവാനിയ എമർജൻസി ടീം 1,675-ലധികം ഉപയോഗിച്ചതും കാലഹരണപ്പെട്ടതുമായ  ടയറുകൾ ജ്ലീബ് ​​അൽ-ഷുയൂഖിലെ ഒരു വെയർഹൗസിൽ നിന്ന് പിടിച്ചെടുത്തു.

വാണിജ്യ നിയന്ത്രണ, ഉപഭോക്തൃ സംരക്ഷണ മേഖലയിലെ ഇൻസ്പെക്ടർമാരുടെ ഒരു സംഘം,  സ്റ്റോറിന്റെ പ്രവർത്തനം നിരീക്ഷിക്കുകയും പിന്തുടരുകയും ചെയ്തുകൊണ്ട്, കമ്പനി പഴയതും കാലഹരണപ്പെട്ടതുമായ പുതിയ ടയറുകൾ വിൽക്കുന്നതായി വിവരം ലഭിച്ചതിനെത്തുടർന്ന് ഇൻസ്പെക്ടർമാർ റെസിഡൻഷ്യൽ കെട്ടിടങ്ങളിലൊന്നിന്റെ ബേസ്മെന്റിൽ നടത്തിയ റെയ്ഡിലാണ് ടയറുകൾ പിടിച്ചെടുത്തതെന്ന് വാണിജ്യ മന്ത്രാലയത്തിലെ എമർജൻസി ടീമിന്റെ തലവൻ ജമാഅൻ അൽ-മുതൈരി ഒരു പ്രാദേശിക അറബിക് ദിനപത്രത്തോട് പറഞ്ഞു,

ഉപഭോക്താക്കൾ ഉപയോഗിച്ച ടയറുകൾ വാങ്ങരുതെന്നും, പുതിയ ടയറുകൾ വാങ്ങുമ്പോൾ, ടയറിന്റെ കാലാവധി പരിശോധിച്ച് ഒരു വർഷത്തെ വാറന്റിയോടെ പർച്ചേസ് ഇൻവോയ്‌സ് സൂക്ഷിക്കണമെന്നും അദ്ദേഹം നിർദ്ദേശിച്ചു.