ഷെയ്ഖ് ഖലീഫ ബിൻ സായിദ് അൽ നഹ്യാന്റെ നിര്യാണത്തിൽ കുവൈറ്റിൽ മൂന്ന് ദിവസം അവധി

ന്യൂസ് ബ്യൂറോ, കുവൈറ്റ്

കുവൈറ്റ് സിറ്റി : യുഎഇ രാഷ്ട്രപതി

ഷെയ്ഖ് ഖലീഫ ബിൻ സായിദ് അൽ നഹ്യാന്റെ നിര്യാണത്തിൽ കുവൈറ്റിൽ മൂന്ന് ദിവസം അവധി. മന്ത്രാലയങ്ങളിലെയും സർക്കാർ ഏജൻസികളിലെയും ജോലികൾ , വെള്ളിയാഴ്ച മുതൽ ഞായർ വരെ മൂന്ന് ദിവസത്തേക്ക് താൽക്കാലികമായി നിർത്തിവച്ചതായി സിവിൽ സർവീസ് കമ്മീഷൻ അറിയിച്ചു.

സിവിൽ സർവീസ് കമ്മീഷൻ ആണ് ഔദ്യോഗിക ദുഃഖാചരണം സംബന്ധിച്ച് അറിയിപ്പ് നൽകിയത് .  40 ദിവസത്തെ ഔദ്യോഗിക ദുഃഖാചരണം ഉണ്ടാകും. ഞായറാഴ്ചത്തെ അവധിയ്ക്ക് ശേഷം ഓഫീസുകൾ തിങ്കളാഴ്ച രാവിലെ പ്രവർത്തനം പുനരാരംഭിക്കും.