കുവൈത്തില്‍ എത്തുന്ന യാത്രക്കാരുടെ പി.സി.ആര്‍, ക്വാറന്റൈൻ വ്യവസ്ഥകളില്‍ ഇന്ന് മുതല്‍ മാറ്റം

കുവൈറ്റ് ബ്യൂറോ

കുവൈത്ത് സിറ്റി: കുവൈത്തില്‍ എത്തുന്ന യാത്രക്കാരുടെ പി.സി.ആര്‍, ക്വാറന്റൈൻ വ്യവസ്ഥകളില്‍ ഇന്ന് മുതല്‍ മാറ്റം. പുതിയ വ്യവസ്ഥകള്‍ പാലിച്ചില്ലെങ്കില്‍ ഇമ്മ്യൂണ്‍ ആപ്പ് പര്‍പ്പിള്‍ നിറത്തിലേക്ക് മാറുമെന്ന് അധികൃതര്‍ പറഞ്ഞു. കുവൈത്തില്‍ എത്തുന്ന യാത്രക്കാർക്ക് 72 മണിക്കൂറിന് ശേഷം പി.സി.ആർ ടെസ്റ്റ് നടത്തുന്നതുവരെ ഇമ്മ്യൂൺ ആപ്പ് പർപ്പിൾ നിറത്തിൽ തന്നെ തുടരും. 72 മണിക്കൂറിന് ശേഷം പിസിആർ ടെസ്റ്റ് നടത്തുമ്പോൾ മാത്രമേ ഫലം നെഗറ്റീവ് ആണെങ്കിൽ അത് അതിന്റെ യഥാർത്ഥ നിറത്തിലേക്ക് മടങ്ങുകയുള്ളൂ.
കുവൈത്തിലേക്ക് വരുന്ന എല്ലാ യാത്രക്കാരും കുവൈറ്റിൽ എത്തുന്നതിന് മുമ്പ് Shlonik, Mobile ID ആപ്പുകൾ ഡൗൺലോഡ് ചെയ്യണമെന്നും അധികൃതര്‍ ഓര്‍മിപ്പിച്ചു. യാത്രക്കാർക്കായി മുൻകരുതൽ നടപടികൾ സ്വീകരിക്കുന്നതിന്റെ ഭാഗമായി പ്രധാന സ്ഥലങ്ങളെല്ലാം കുവൈറ്റ് മുസാഫിർ, ഷ്ലോനാക്ക്, കുവൈറ്റ്‌ മൊബൈൽ ഐഡന്റിറ്റി ആപ്പുകൾ എന്നിവയുമായി ബന്ധിപ്പിച്ചിട്ടുണ്ട്. കുവൈത്തിന് പുറത്ത് വാക്സിനേഷൻ എടുത്തവർ നിർബന്ധമായും ഇമ്മ്യൂൺ ആപ്പിൽ വാക്സിനേഷൻ സർട്ടിഫിക്കറ്റ് അപ്ലോഡ് ചെയ്യണം. വിദേശത്ത് ബൂസ്റ്റർ ഡോസ് ലഭിച്ചവർക്കും അവരുടെ മൂന്നാമത്തെ വാക്സിനേഷൻ ഡോസ് സർട്ടിഫിക്കറ്റ് അപ്ലോഡ് ചെയ്യാം.